BAKI,VOA, Fərid Mikayılov

ABŞ və İranın Yaxın Şərqdə aylarla davam edən münaqişəyə son qoyacaq sülh sazişi üçün çərçivə sənədi üzərində razılığa gəldiyi iddia olunur.

VOA xəbər verir ki, bu barədə Pakistanın Baş naziri Şahbaz Şərif sosial şəbəkə hesabında paylaşım edib.

Şərif bildirib ki, sənədin yekun mətni artıq hazırlanıb və müqavilənin növbəti 24 saat ərzində elektron şəkildə imzalanması gözlənilir.

Onun sözlərinə görə, sazişin icrası ilə bağlı texniki məsələlərin müzakirəsi məqsədilə gələn həftə danışıqların başlanması ehtimal edilir.

Pakistan Baş naziri qeyd edib ki, sözügedən razılaşma regionda uzun müddətdir davam edən gərginliyin aradan qaldırılmasına yönəlib.

Qeyd edək ki, ABŞ və İran rəsmiləri hələlik bu məlumatla bağlı rəsmi açıqlama verməyiblər.