BAKI,VOA Orxan Qədirzadə
Şimali Koreya ABŞ və Cənubi Koreyanın gələn həftə keçirəcəyi birgə hərbi təlimləri pisləyərək daha güclü çəkindirmə tədbirləri ilə cavab verə biləcəyini açıqlayıb.
Pxenyanq təlimləri “təcavüzkar müharibəyə hazırlıq” kimi qiymətləndirib və istənilən yeni təhdidə eyni səviyyədə yeni çəkindirmə vasitələri ilə cavab verəcəyini bildirib.
“Ulçi Azadlıq Qalxanı” adlı təlimlərdə 18 min Cənubi Koreya hərbçisi və ölkədə yerləşən 28 500 ABŞ hərbçisinin iştirakı planlaşdırılır. Təlimlərin 11 gün davam edəcəyi, pilotsuz uçuş aparatlarına, kibertəhlükələrə və GPS sistemlərinin sıradan çıxarılmasına qarşı ssenarilərin də məşq ediləcəyi bildirilir.
