Bakı, AzerVoice
2016-cı ildə 12 yaşlı qızı sərxoş edib, sonra da təcavüz edərək hamilə qoyduğu üçün Britaniya məhkəməsi tərəfindən 4 il həbs cəzasına məhkum edilən Hollandiyanın çimərlik volleybolçusu Steven van de Velde olimpiya oyunlarında ilk matçına çıxıb.
AzerVoice xəbər verir ki, idmançının 2024-cü il Yay Olimpiya Oyunlarına qatılaraq Hollandiyanı təmsil etməsi insanlar tərəfindən birmənalı qarşılanmayıb.
Steven van de Velde iyulun 28-də İtaliyaya qarşı Olimpiya oyunlarında debüt etdi, lakin tamaşaçılar onu fitə basdı.
Hollandiya Çimərlik Volleybolu Federasiyası isə “Steven pedofil deyil, o bizi olimpiya oyunlarında qürurla təmsil edəcək” - deyə bildirib.
29 yaşlı oyunçu komandaya seçilməsi ilə bağlı mübahisələr qarşısında "ikinci şansa görə minnətdar olduğunu" söylədi.
O, cəzasının bir hissəsini Hollandiyada həbsxanada çəkib və 13 aydan sonra azadlığa çıxıb.
2018-ci ildə NOS-a verdiyi müsahibədə günahı öz üzərinə götürdüyünü vurğulayaraq, "Nəticələrinə dözməliyəm. Bu, həyatımın ən böyük səhvi idi" demişdi.
Qeyd edək ki, Steven van de Velde 8 avqust 1994-cü ildə Hollandiyanın Haaqa şəhərində anadan olmuş çimərlik voleybolu oyunçusudur.
