Meksikada güclü yağışların törətdiyi sel fəlakətində ölənlərin sayı 72-yə yüksəldi

Meksikada ötən həftədən bu yana təsirli olan Priscilla və Raymond tropik fırtınalarının səbəb olduğu güclü yağışlar nəticəsində baş verən sel fəlakətində həlak olanların sayı 72-yə, itkin düşənlərin sayı isə 48-ə çatıb. Meksika mətbuatının məlumatına görə, təbii fəlakət beş ştatda ciddi dağıntılara və insan tələfatına səbəb olub. Ən çox zərər görən bölgələr arasında Veracruz, Puebla və Hidalgo ştatları yer alır. Bu ərazilərə 21 helikopter göndərilib və əlavə xilasedici qüvvələr cəlb olunub.

18 Oktyabr 2025 12:10

BAKI, AzerVoice, Nailə Babazadə

AzerVoice xəbər verir ki, Meksika mətbuatının məlumatına görə, təbii fəlakət beş ştatda ciddi dağıntılara və insan tələfatına səbəb olub. Ən çox zərər görən bölgələr arasında Veracruz, Puebla və Hidalgo ştatları yer alır. Bu ərazilərə 21 helikopter göndərilib və əlavə xilasedici qüvvələr cəlb olunub.

Rəsmi qurumlar axtarış-xilasetmə işlərinin fasiləsiz davam etdiyini bildiriblər.

Digər tərəfdən, Meksika Federal Elektrik Komissiyası (CFE) selin təsirinə məruz qalan beş ştatda aparılan təmir işləri nəticəsində enerji ötürmə xətlərinin 95,4 faizinin bərpa edildiyini açıqlayıb. Yaxın vaxtlarda bu göstəricinin 100 faizə çatacağı gözlənilir.