BAKI, AzerVoice, Nailə Babazadə
Avropa İttifaqının (Aİ) Xarici İşlər və Təhlükəsizlik Siyasəti üzrə Ali Nümayəndəsi Kaja Kallas bildirib ki, Aİ-nin xarici işlər nazirləri Qəzzədə atəşkəsin ardından İsrailə qarşı sanksiya təkliflərinin gələcəyini müzakirə edəcəklər.
AzerVoice xəbər verir ki, Kallas bu barədə Lüksemburqda keçirilən Aİ Xarici İşlər Nazirləri Toplantısı öncəsi jurnalistlərə açıqlama verib.
Kallasın sözlərinə görə, nazirlər Qəzzada 10 oktyabrda elan edilən atəşkəsdən sonra bölgədəki vəziyyəti və İsrailə qarşı sanksiya təkliflərini nəzərdən keçirəcəklər.
“Keçən həftəki hadisələr fonunda vəziyyət, təbii ki, dəyişib. Əsas məsələ, nazirlərin bu sanksiyalarla bağlı hansı qərar verəcəyidir,” – deyə o qeyd edib.
Xatırladaq ki, Aİ Komissiyası İsrailin Qəzzadaki əməliyyatlarına cavab olaraq 10 sentyabrda üzv ölkələrə sanksiya təkliflərini təqdim edib.
Təkliflərə görə, Aİ–İsrail Tərəfdaşlıq Sazişi çərçivəsində malların azad dövriyyəsinə dair müddəaların dayandırılması, İsrail mallarına gömrük rüsumlarının tətbiqi və işğal altındakı Fələstin torpaqlarında zorakılıqlara görə məsul sayılan İsrailin iki naziri – İtamar Ben-Gvir və Bezalel Smotriç barəsində məhdudlaşdırıcı tədbirlərin görülməsi nəzərdə tutulur.
Sanksiya paketinin qəbul edilməsi üçün Aİ ölkələrinin nitelikli çoxluqla (qualified majority) qərar verməsi tələb olunur.
