BAKI, AzerVoice, Nailə Babazadə
İran Prezidenti Məsud Pezeşkian, ABŞ və İsrail liderlərinin İrana yenidən hücum etmə ehtimalına dair açıqlamalarına sərt reaksiya verib.
AzerVoice xəbər verir ki, bu barədə Pezeşkian, sosial media platforması X-də yayımladığı yazılı açıqlamada bildirib.
"İran İslam Respublikası hər cür zalımca hücuma qarşı cavabını sərt və peşmanlıq doğuracaq şəkildə verəcəkdir" deyib.
Açıqlama, İsrail Baş Naziri Benyamin Netanyahunun ABŞ Prezidenti Donald Tramp ilə dünənki görüşündən sonra gəlib. Tramp, İsrailin İrana qarşı ehtimal olunan hücum planları ilə bağlı suallara cavab verərək, "Onlar (İran) edəcəklərinin nəticələrini bilirlər. Nəticələr çox ağır olacaq, bəlkə də keçən dəfəkindən daha ağır. İran, keçən dəfə onlara seçim təklif edəndə bizimlə razılaşmalıydılar" ifadələrini istifadə edib.
Bu açıqlamalar, İranın gələcəkdəki hər hansı bir hərbi müdaxiləyə qarşı sərt bir mövqe tutacağına dair bəyanatını daha da gücləndirir.
