BAKI, VOA
ABŞ Prezidenti Donald Tramp Tehranın gəmilərin Hörmüz boğazından keçidinə mane olmağa davam edəcəyi təqdirdə İranın Xark adasındakı neft infrastrukturuna hücum edəcəyi ilə bağlı xəbərdarlıq edib.
VOA xəbər verir ki, Tramp bildirib ki, Birləşmiş Ştatlar İranın xam neft ixracının təxminən 90 faizini idarə edən adadakı "hər bir hərbi hədəfi tamamilə məhv edib".
Qeyd edək ki, Neft ticarəti Çin yuanı ilə aparılsın Yüksək rütbəli bir rəsmi şəxs "CNN" telekanalına açıqlamasında bildirib ki, İran Hörmüz boğazından məhdud sayda neft tankerinin keçməsinə icazə verməyi nəzərdən keçirir. Lakin Tehran bunun üçün əsas şərt kimi neft yüklərinin ticarətinin Çin yuanı ilə aparılmasını tələb edir.
Mənbə əlavə edib ki, bu potensial addım İslam Respublikasının boğaz vasitəsilə neft tankerlərinin axınını idarə etmək üçün yeni bir plan üzərində işlədiyi vaxta təsadüf edir.
Xatırladaq ki, fevralın 28-də ABŞ və İsrailin İrana qarşı başlatdığı hərbi əməliyyatlardan sonra regionda vəziyyət kəskinləşib.
İran tərəfi bu hücumlara cavab olaraq təkcə İsraili deyil, həm də ABŞ bazalarının yerləşdiyi Qətər, Küveyt və Birləşmiş Ərəb Əmirlikləri (BƏƏ) kimi ölkələrdəki müəyyən hədəfləri vurduğunu bəyan edib.
Son məlumatlara görə, ABŞ-İsrail hücumları nəticəsində İranın ali rəhbəri Ayətullah Əli Xameneyi də daxil olmaqla, bir çox yüksək rütbəli rəsmi şəxs həyatını itirib. İran rəsmilərinin açıqlamasına əsasən, hücumlar nəticəsində ölənlərin sayı 1348-i keçib, 17 mindən çox insan isə yaralanıb.
