BAKI,VOA,Yusif Şərifzadə
Strateji Araşdırmalar Mərkəzinin nümayəndəsi Əli Əkbər Dərini ABŞ-ın İsrail və İran arasında davam edən gərginlikdə mühüm təsir imkanlarına malik olduğunu bildirib.
VOA xəbər verir ki, Dərini qeyd edib ki, ABŞ İran və Livandakı münaqişələrin dayandırılması ilə bağlı İranla imzalanan memorandum çərçivəsində öhdəlik götürüb.
Onun sözlərinə görə, Vaşinqton həm öz adından, həm də İsrail adından hərbi əməliyyatların dayandırılması barədə razılığa gəlib.
Lakin o bildirib ki, İsrail Livanda hücumları və hərbi əməliyyatları davam etdirərək razılaşmanı pozmaqda ittiham olunur.
Dərini iddia edib ki, ABŞ tərəfi üzərinə götürdüyü öhdəlikləri tam yerinə yetirməyib.
O həmçinin qeyd edib ki, İsrail Baş naziri Benyamin Netanyahu ABŞ–İran aralıq razılaşmasından narazıdır.
Analitikə görə, ABŞ Prezidenti Donald Tramp İsrail üzərində ciddi təsir gücünə malikdir, lakin bu təsirdən istifadə edib-etməyəcəyi siyasi iradədən asılıdır.
Dərini iddia edib ki, Netanyahu mövcud vəziyyətdən istifadə edərək atəşkəsi pozmağa və münaqişəni yenidən alovlandırmağa çalışa bilər.
