BAKI,VOA, Fərid Mikayılov

Pakistanın keçmiş Baş naziri İmran Xan həkim komissiyası tərəfindən müayinə olunduqdan sonra sağlam elan edilərək yenidən həbsxanaya göndərilib.

VOA xəbər verir ki, bu barədə ölkənin Məlumat Nazirliyi rəsmi açıqlama yayıb.

Keçmiş hökumət rəhbərinin Pakistan Ədalət Hərəkəti (PTI) partiyası isə xəstəxana ziyarətinin gözləniləndən daha tez başa çatdığını və bu prosesin Ali Məhkəmənin göstərişlərinə zidd olduğunu bəyan edib.

Məlmumata görə, marşrut boyunca yaranan təhlükəsizlik riskləri səbəbindən İmran Xan məhkəmənin tövsiyə etdiyi özəl klinika əvəzinə dövlət xəstəxanasında müayinə olunub və səhər saatlarında yenidən Rawalpindidəki "Adiala" həbsxanasına yerləşdirilib. Sabiq Baş nazirin tərəfdarları bu addımın hüquq pozuntusu olduğunu bildirərək ölkə miqyasında protest aksiyalarına başlayacaqlarını diqqətə çatdırıblar.