Bakı, AzerVoice
İsrail tərəfindən sürgün edilən fələstinli məhbusların bir qisminin Türkiyəyə gətiriləcəyi açıqlanıb.
AzerVoice xəbər verir ki, Türkiyənin Qəzzada atəşkəs razılaşması çərçivəsində İsrail tərəfindən həbsxanalardan azad ediləcək bəzi fələstinliləri qəbul edəcəyi açıqlanıb. Bu çərçivədə 15 fələstinlinin Türkiyəyə gətiriləcəyi açıqlanıb.
Rəyasət Heyətindən verilən açıqlamada ilk mərhələdə 15 sürgündəki fələstinlinin Milli Kəşfiyyat Təşkilatı tərəfindən Misir üzərindən Türkiyəyə gətiriləcəyi bildirilib.
Qeyd edək ki, İsrail atəşkəs razılaşmasında ömürlük həbsdən azad edilmiş bəzi məhbusların bir daha geri qayıtmamaq üçün Fələstindən çıxarılmasını şərtləndirmişdi.
