Azərbaycan və Rusiya bir sıra istiqamətlər üzrə birbaşa aviareysləri bərpa etməyi planlaşdırır - Bayramov

Azərbaycan və Rusiya bəzi istiqamətlər üzrə birbaşa aviareyslərin bərpasını planlaşdırır. Bu barədə xarici işlər naziri Ceyhun Bayramov Moskvada Sergey Lavrovla keçirdiyi görüşdən sonra açıqlama verib. O bildirib ki, 2024-cü ilin dekabrında baş vermiş təyyarə qəzasından sonra tətbiq edilən məhdudiyyətlərin qüvvədə olduğu bəzi marşrutlar üzrə uçuşlar yaxın vaxtlarda bərpa oluna bilər. Nazir həmçinin Azərbaycan–Rusiya Hökumətlərarası Komissiyasının növbəti iclasının ilin sonunadək keçiriləcəyini bildirib. Bundan əvvəl isə sentyabr ayında Şahin Mustafayev və Aleksey Overçuk arasında görüş planlaşdırılır. Görüşdə nəqliyyat, iqtisadi əməkdaşlıq və digər məsələlər müzakirə ediləcək. Tərəflər müntəzəm təmasların davam etdirilməsində maraqlı olduqlarını ifadə ediblər. Birbaşa reyslərin bərpası iki ölkə arasında əlaqələrin inkişafı baxımından mühüm addım hesab olunur.

17 İyul 2026 17:27

BAKI,VOA

Azərbaycan və Rusiya bir sıra istiqamətlər üzrə birbaşa aviareysləri bərpa etməyi planlaşdırır.

Bunu Azərbaycanın Xarici İşlər Naziri Ceyhun Bayramov Moskvada Rusiyalı həmkarı Sergey Lavrovla görüşün yekunlarına dair keçirilən mətbuat konfransında bildirib.

"2024-cü ilin dekabrında mülki təyyarəmizlə baş vermiş məlum faciədən sonra tətbiq edilmiş məhdudiyyətlərin qüvvədə olduğu bir sıra istiqamətlər üzrə yaxın vaxtlarda birbaşa aviareyslərin bərpası gözlənilir", – deyə o bildirib.

Daha sonra aprel ayında keçirilmiş Hökumətlərarası Komissiyanın iclasını xatırladan C.Bayramov növbəti iclasın ilin sonunadək baş tutmasının planlaşdırıldığını qeyd edib.

"Lakin müntəzəm təmaslara olan ehtiyacı və görülmüş işləri nəzərə alaraq, baş nazir müavinləri arasında ilkin razılıq əldə olunub. Cari ilin sentyabr ayında Şahin Mustafayevlə Aleksey Overçuk arasında görüşün keçirilməsi planlaşdırılır. Görüşdə bir sıra istiqamətlər üzrə məsələlərin müzakirə olunması nəzərdə tutulur", – deyə nazir əlavə edib.