Səudiyyə Ərəbistanında 2026-cı ilin birinci rübü ərzində ümrə ziyarətini həyata keçirənlərin ümumi sayı 15 milyon 233 min 767 nəfərə çatıb. Bu göstərici ilin ilk üç ayında Məkkədəki Məscidül-Hərama gələn zəvvarların yüksək axınını əks etdirir.
- Səudiyyə Ərəbistanı builki Həcc mövsümünü “müstəsna uğur” adlandırdı
- Kəbənin içində nə var və onu örtən Kisvə necə hazırlanır?
Xaricdən gələn zəvvarların sayı 5 milyon 769 min 271 nəfər təşkil edib. Onların 86 faizi hava yolu, 13.6 faizi quru yolu, 0.4 faizi isə dəniz yolu vasitəsilə Krallığa daxil olub. Ölkə daxilindən ziyarət edənlərin sayı isə 9 milyon 464 min 496 nəfər olub. Daxili zəvvarların 53.5 faizini qeyri-səudiyyəlilər təşkil edib; ümumi bölgüdə kişilər 66.2 faiz, qadınlar isə 33.8 faiz paya sahib olub.
Zəvvarların aylara görə bölgüsünə gəlincə, 2026-cı ilin yanvar ayı xaricdən gələnlərin ən böyük payına (ümumi sayın 63.2 faizi) sahib olub, daxili zəvvarlar üzrə isə ən aşağı göstərici məhz bu ayda qeydə alınıb.
Fevral ayında isə əks mənzərə yaranıb və daxili zəvvarların xüsusi çəkisi 68 faizə yüksəlib, xaricdən gələnlərin payı azalıb. Mart ayında da ən böyük pay 72.2 faizlə daxili zəvvarların payına düşüb, xarici zəvvarlar isə 27.8 faiz təşkil edib.
- Səudiyyə Ərəbistanı Həcc mövsümü üçün nəqliyyat sistemini genişləndirir - Hansı yeniliklər var?
- Səudiyyə Ərəbistanı zəvvarlar üçün yeni Ümrə vizası qaydalarını açıqlayıb
Mədinə şəhərindəki Peyğəmbər məscidini ziyarət edənlərin statistikasına əsasən, 2026-cı ilin ilk üç ayında şəhərə ümumilikdə 5 milyon 725 min 653 ziyarətçi gəlib; onların 3.7 milyonu xarici ölkələrdən gələnlər olub.
Ümrə mövsümünün başladığı 1 iyun tarixindən 14 iyula qədər olan dövrdə ümrə vizası ilə gələnlərin sayı 931.5 min nəfərə çatıb ki, bu da ötən ilin eyni dövrü ilə müqayisədə 22.5 faizlik artım deməkdir. Həmin müddətdə xaricdən gələn ümrə ziyarətçilərinin ümumi sayı isə 1.27 milyondan çox olub.
Zəvvarların qarşılanması və ibadətlərini rahat yerinə yetirmələri üçün dövlət qurumları arasında inteqrasiya gücləndirilib, rəqəmsal və əməliyyat xidmətləri genişləndirilib. Bütün bu tədbirlər "Səudiyyə Vizyonu 2030" hədəfləri çərçivəsində zəvvarların qəbulunun asanlaşdırılması və yüksək keyfiyyət standartlarının təmin edilməsi məqsədi daşıyır.
