Dəniz sərhədlərimizi pozan xəritələr etibarsızdır - Türkiyə XİN
Türkiyə Xarici İşlər Nazirliyi Yunanıstanın Balıqçılıq Müfəttişliyi İdarəsinin rəsmi internet saytında dərc olunan məhdudiyyətlər və xəritələrlə bağlı yazılı bəyanat yayıb. Bəyanatda Yunanıstanın Ege və Şərqi Aralıq dənizində səlahiyyəti olmayan bəzi ərazilərdə balıqçılığa qadağa zonaları təsis etdiyi və beynəlxalq hüquqa zidd müxtəlif xəritələr yayımladığı bildirilib.
Yunanıstanın Baş naziri Türkiyəyə rəsmi səfər edəcək
Yunanıstanın Baş naziri Kiryakos Miçotakis Türkiyə Prezidenti Rəcəb Tayyib Ərdoğanın dəvəti ilə bu gün Türkiyəyə rəsmi səfər edəcək. Rəcəb Tayyib Ərdoğan ilin əvvəlindən etibarən 11 ölkə lideri ilə görüş keçirib və diplomatik təmaslarını davam etdirir. Miçotakis təxminən iki ildən sonra Prezident Kompleksində qəbul olunacaq.
Türkiyə və Yunanıstan liderləri 11 fevralda bir araya gələcək
Yunanıstanın Baş naziri Kiryakos Miçotakis Türkiyə Prezidenti Rəcəb Tayyib Ərdoğanın dəvəti ilə 11 fevral 2026-cı il tarixində Türkiyəyə rəsmi səfər edəcək. Səfər Türkiyə-Yunanıstan Yüksək Səviyyəli Əməkdaşlıq Şurasının altıncı iclası çərçivəsində baş tutacaq. Türkiyə Respublikası Prezident Administrasiyasının Kommunikasiya idarəsinin rəhbəri Burhanəddin Duranın verdiyi məlumata görə, Ankara şəhərində keçiriləcək iclasda hər iki ölkənin müvafiq nazirləri də iştirak edəcək. Liderlərin rəhbərliyi ilə keçiriləcək görüşlərdə Türkiyə-Yunanıstan münasibətləri bütün aspektləri ilə nəzərdən keçiriləcək.
Türkiyə və Yunanıstan liderlərinin görüşü fevral ayında baş tuta bilər
Türkiyənin xarici işlər naziri Hakan Fidan Türkiyə Prezidenti Rəcəb Tayyib Ərdoğan ilə Yunanıstanın Baş naziri Kiriakos Mitsotakis arasında yeni görüşün planlaşdırıldığını açıqlayıb. nazir Fidan tərəflərin bu görüşü fevral ayında, Ramazan ayı başlamazdan əvvəl reallaşdırmaq niyyətində olduqlarını bildirib. Hazırda Prezident Ərdoğanın proqramına uyğun olaraq bir neçə mümkün tarix üzərində iş aparılır. Nazir qeyd edib ki, Türkiyə tərəfi Ege dənizindəki ərazi suları və kontinental şelf məsələləri başda olmaqla bütün mövcud problemlərin köklü həlli üçün masaya oturmağa hazırdır.
Türkiyə regional gücünü artırır, Yunanıstan isə passiv qalır – Keçmiş Yunanıstan XİN rəhbəri
Avramopulos bildirib ki, İstanbulda keçirilən üçtərəfli sammit Türkiyənin hərbi və geosiyasi gücündən səmərəli şəkildə istifadə etdiyini nümayiş etdirib. Onun sözlərinə görə, Yunanıstan yalnız seyrçi rolunda qalmaqla özünün beynəlxalq statusuna və cəmiyyətin psixologiyasına zərbə vurur. “Türkiyəni sadəcə təhdid kimi qəbul etməyimiz regiondakı proseslərdən kənarda qalmağımıza səbəb olur.” - deyə o bildirib.
Türkiyə regional gücünü effektiv istifadə edir - Yunan siyasətçi
Afina Aralıq dənizi proseslərindən kənarda qalır, Türkiyə isə gücündən səmərəli istifadə edir. Bu sözləri Yunanıstanın keçmiş xarici işlər naziri Dimitris Avramopulos İstanbulda keçirilən Türkiyə–İtaliya–Liviya Əməkdaşlıq Sammitini şərh edərkən deyib. O Afina hökumətinin Aralıq dənizi ilə bağlı diplomatik proseslərdən kənarda qalmasını tənqid edib.
Türkiyə İlə Yunanıstan Arasında Turizm Əlaqələri Genişlənir
Türkiyə ilə Yunanıstan arasında turizm sahəsində əməkdaşlığı gücləndirəcək protokol imzalanıb.
