Konqodakı düşərgədə azı 30 ölüm qeydə alınıb, Ebola virusunun sürətlə yayıldığı ehtimal edilir
Konqo Demokratik Respublikasında məcburi köçkünlərin yaşadığı düşərgədə may ayından bəri azı 30 nəfər ölüb. Ölənlərdən bəzilərində Ebola virusu təsdiqlənib. Hadisə ölkənin Ebola epidemiyasının mərkəzi sayılan Buniya şəhərindəki Kiqonze düşərgəsində qeydə alınıb. Düşərgə rəhbərliyi ölüm sayının görünməmiş həddə çatdığını bildirir. Bütün halların səbəbini müəyyənləşdirmək mümkün olmayıb. Xəstələr və onların yaxınları uzun müddət testdən keçməkdən imtina ediblər. Humanitar təşkilatlar vəziyyətin ciddi olduğunu vurğulayırlar. Virusun daha geniş yayılmasından ehtiyat edilir.
ABŞ Ebolaya tutulmuş şəxsləri Keniyaya göndərəcək
Keniyanın mərkəzi hissəsində yerləşən hərbi bazada ABŞ vətəndaşları üçün nəzərdə tutulan Ebola karantin mərkəzinin tikintisi ölkədə geniş etirazlara səbəb olub. Layihəyə qarşı çıxan yüzlərlə insan son günlərdə Nanyuki şəhərində küçələrə çıxaraq planlaşdırılan obyektin qarşısında aksiyalar keçirib.
2014-cü il bu gün ABŞ-da Ebola diaqnozu qoyulan ilk şəxs dünyasını dəyişdi
2014-cü il 8 oktyabrda, ABŞ-da Ebola virusuna yoluxduğu təsdiqlənən ilk şəxs – 42 yaşlı Tomas Erik Dankan – Texas ştatının Dallas şəhərində yerləşən Texas Health Presbyterian Hospital xəstəxanasında vəfat edib.
Ebola nədir?
Ebola, yüksək ölüm faizi ilə səciyyələnən və qanaxma ilə müşayiət olunan virus mənşəli yoluxucu xəstəlikdir.
