Pluton niyə artıq planet sayılmır?

Beynəlxalq Astronomiya İttifaqının 2006-cı il qərarı ilə Günəş sistemində yeni dövr başlandı. Uzun illər Günəş sisteminin doqquzuncu planeti kimi tanınan Pluton, 2006-cı ildə Beynəlxalq Astronomiya İttifaqı (IAU) tərəfindən “planet” statusundan çıxarılaraq “cücə planet” kimi təsnif edildi.Bu qərar, astronomik elmlərdə böyük bir mərhələ sayılsa da, dünya ictimaiyyətində narazılıq və emosional reaksiya doğurdu. Plutonun status dəyişikliyi IAU-nun 2006-cı ildə keçirilən Baş Assambleyasında qəbul olunan yeni “planet” tərifi ilə əlaqəlidir. Yeni qaydaya əsasən, bir obyektin planet hesab olunması üçün üç əsas şərt tələb olunur: Günəş ətrafında fırlanmaq, öz kütləsi ilə kürə formasını almaq və orbitindəki digər göy cismlərini "təmizləmək", yəni onlara cazibə qüvvəsi ilə dominantlıq etmək. Pluton ilk iki şərti yerinə yetirsə də, orbitindəki cisimləri tam təmizləmədiyi üçün bu kriteriyaya uyğun gəlmir.