Portuqaliya Fələstini dövlət olaraq tanıyıb
Portuqaliyanın xarici işlər naziri Paulo Rangel bazar günü Nyu-Yorkda verdiyi açıqlamada, hökumətin Fələstini dövlət olaraq tanıdığını bildirib. Rangel bu addımın, “qalıcı sülh üçün yeganə həll yolunun iki dövlətli həll olduğu” vizyonunu dəstəklədiyini vurğuladı.
Yaponiyada millət vəkilləri Fələstin dövlətinin tanınmasını tələb edirlər
Yaponiyada 206 millət vəkili xarici işlər naziri İvaya Takeşiyə məktub təqdim edərək, Fələstin dövlətinin tanınmasını tələb ediblər. Ölkənin müxalif Konstitusiya Demokrat Partiyası (CDP) ilə yanaşı hakim Liberal Demokrat Partiya (LDP) və digər müxtəlif partiyaların nümayəndələrindən ibarət qrup bu məktubu imzalayıb. XİN rəhbəri isə “bu qədər imzanın toplandığı üçün məsələni ciddi qəbul etdiyini” bildirib.
Netanyahu Belçikanın Fələstini tanımaq qərarına görə ölkənin baş nazirini "zəif lider" adlandırıb
İsrailin baş naziri Benyamin Netanyahu Belçikanın baş naziri Bart de Viveri “zəif lider” adlandırıb. Netanyahu bu ifadəni Belçikanın digər Avropa ölkələrinin nümunəsini izləyərək Fələstin dövlətini tanımaq niyyətinə görə işlədib. Netanyahunun ofisinin yaydığı bəyanatda deyilir: “Belçika baş naziri de Viver zəif liderdir. O, İsrailin hesabına radikal islamçı terroru sakitləşdirməyə çalışır. Terror timsahını bəsləyərək onun Belçikanı udmasını gecikdirəcəyinə ümid edir. İsrail buna razı olmayacaq və özünü müdafiə etməyə davam edəcək.”
Rəsmi Paris Netanyahunun Makrona qarşı antisemitizm ittihamlarını rədd edib
Fransa İsrailin baş naziri Binyamin Netanyahunun ittihamlarını rədd edib. Netanyahu Fransa prezidenti Emmanuel Makronun Fələstin Dövlətini tanımaq niyyətinin antisemitizmi qızışdırdığını iddia etmişdi.
Netanyahu Makronu “antisemitizmi qızışdırmaqda” ittiham etdi
Fransa ilə İsrail arasında gərginlik artmaqdadır. Dünən, Parisin Fələstin dövlətini tanımaq qərarından sonra İsrailin Baş naziri Benyamin Netanyahu Fransa prezidenti Emmanuel Makronu “antisemitizmi qızışdırmaqda” ittiham edib. Bu bəyanata cavab olaraq Fransanın rəsmi dairələri Netanyahunun sözlərini “alçaq və saxtakar” adlandırıb.
İsrail XİN Fransanın Qüdsdəki konsulluğunun bağlanmasını təklif edib
İsrailin xarici işlər naziri Gideon Saar Fransanın Fələstin dövlətini tanımaq planına cavab olaraq Qüdsdəki Fransa konsulluğunun bağlanmasını təklif edib. İsrail Xarici İşlər Nazirliyi konsulluğun fəaliyyətini “çağırış xarakterli” adlandıraraq, Fransanın İsrail əleyhinə mövqeyi müdafiə etdiyini bəyan edib.
Fələstin rəhbərliyi BMT Baş Assambleyasında dövlət elan etməyi planlaşdırır
Fələstin Milli Administrasiyası (FMA) sentyabr ayında Nyu-Yorkda keçiriləcək BMT Baş Assambleyasında Fələstin Muxtariyyətinin birtərəfli qaydada Fələstin Dövlətinə çevrilməsi və elan edilməsi imkanını nəzərdən keçirir. Bu barədə "Al Araby Al Jadeed" qəzeti fələstin rəhbərliyinin nümayəndəsinə istinadən məlumat verib.
Niderland Fələstini tanımağı planlaşdırmır - Nazir
Niderland hakimiyyəti yaxın vaxtlarda Fələstin dövlətini rəsmi şəkildə tanımağı planlaşdırmır. Bu fikri Niderland Krallığının xarici işlər naziri vəzifəsini icra edən Kaspar Veldkamp parlamentdə Qəzza zolağındakı humanitar vəziyyətlə bağlı keçirilən müzakirələr zamanı səsləndirib. “Hazırda Niderland Fələstini dövlət kimi tanımağı planlaşdırmır” - deyə, o bildirib. Debatlar zamanı bir neçə deputat hökumətə Fələstini tanımaq çağırışı edib. “Denk” Partiyasının nümayəndəsi Stefan van Baarle də daxil olmaqla bir sıra deputatlar İsrailə silah ixracının qadağan edilməsini də tələb ediblər.
