Əzm Donanmasının 18-i türk olmaqla 94 fəalı İstanbulda qarşılandı
İsrailin beynəlxalq sularda hücum edərək saxladığı Əzm Donanmasına aid qayıqlarda olan 18-i türk, ümumilikdə 94 fəal bu gün Türk Hava Yollarının (THY) xüsusi reysi ilə İstanbula gətirildi. Fəalların təxliyəsi üçün İordaniyadan havaya qalxan xüsusi THY təyyarəsi İstanbul Hava Limanına enib. Gəmidə olan fəallar VIP salonunda ailələri, rəsmi nümayəndələr və çox sayda vətəndaş tərəfindən qarşılanıb. Əzm Donanmasına aid texnikalarda yer alan 18 türk və 76 əcnəbi vətəndaşdan ibarət olan fəallar apronda çiçəklərlə qarşılanıb.
İsrailin saxladığı Türk vətəndaşları xüsusi reyslə geri gətirilir - Türkiyə XİN
Türkiyə Xarici İşlər Nazirliyinin sözçüsü Öncü Keçeli, İsrail tərəfindən ələ keçirilən Əzm Donanmasına aid qayıqlarda olan 18 Türk vətəndaşının bu gün günortadan sonra xüsusi təyyarə reysi ilə ölkəyə gətiriləcəyini açıqlayıb. Keçeli sosial media hesabında paylaşdığı məlumatda qeyd edib. “İsrail tərəfindən ələ keçirilən Əzm Donanmasına aid texnikalarda olan 18 vətəndaşımız, təşkil olunan xüsusi təyyarə reysi ilə bu gün günortadan sonra ölkəmizə gəlir. Həmin reys vasitəsilə ümumilikdə 21 ölkədən 94 fəal təxliyə olunur.”
İsrail ordusu Əzm Donanması gemilərinə yenidən hücum edib
İsrail ordusu, Qəzza zolağına tətbiq olunan qanunsuz blokadanı yarmaq və humanitar yardım çatdırmaq məqsədilə yola çıxan Əzm Donanmasına məxsus gəmilərə beynəlxalq sularda hücum edib. Donanmanın canlı yayımlarında, İsrail ordusunun “durulmadığı təqdirdə müdaxilə ediləcəyi” barədə xəbərdarlıqlar eşidilib.
İsrailin saxladığı 14 türk vətəndaşı Türkiyəyə qayıdır - Türkiyə XİN
İsrailin hücum etdiyi Əzm Donanmasında qanunsuz şəkildə saxlanılan bir qrup türk vətəndaşı İordaniya üzərindən Türkiyəyə qayıtmaq üçün İordan çayının qərb sahilində yerləşən sərhəd-keçid məntəqəsinə çatıb. Türkiyə Xarici İşlər Nazirliyinin sözçüsü Öncü Keçeli bildirib ki, İsrail tərəfindən ələ keçirilən Əzm Donanmasının gəmilərində olan 14 türk vətəndaşı bu səhər quru yolu ilə İordaniyaya keçib.
İsrailin saxladığı son italyan aktivistlər İtaliyaya qayıtdı
İsrailin Əzm Donanmasında qanunsuz şəkildə saxladığı və bu gün azad etdiyi italyan aktivistlərdən son qrupdakı 7 nəfər ötən gecə Roma Fiumicino Hava Limanına çatıb. Əzm Donanmasında iştirak edən 45 italyan aktivistin ölkələrinə qayıdışı ötən gecə 15 nəfərlik son qrupun da gəlməsi ilə tamamlanıb. İsraildən ən son ayrılan 15 nəfərlik italyan aktivist qrupu dünən günorta saatlarında ilk olaraq Yunanıstanın paytaxtı Afinaya çatıb. Bu 15 nəfərdən 7-si isə yerli saatla 22:30 (Bakı vaxtı ilə 23:30) radələrində Aegean Hava Yollarının reysi ilə Afinadan Romaya gəlib.
İsrail Əzm Donanmasıdan daha 171 fəalı deportasiya edib
Tel-Əviv rəhbərliyi, Qəzza zolağına tətbiq olunan qanunsuz blokadanı yarmaq və bölgəyə humanitar yardım çatdırmaq istəyərkən İsrail ordusunun hücumuna məruz qalan Əzm Donanmasıdan saxlanılan 171 fəalı ölkədən çıxardığını açıqlayıb. İsrail Xarici İşlər Nazirliyinin ABŞ-əsaslı X sosial media platformasındakı rəsmi hesabında yayımlanan yazılı açıqlamada, deportasiya olunan fəalların Yunanıstan və Slovakiyaya göndərildiyi bildirilib.
İsrail həbsxanalarındakı Əzm Donanması könüllüləri aclıq aksiyasına başlayıblar
Qəzzaya humanitar yardım aparmaq məqsədilə yola çıxan, lakin İsrail ordusu tərəfindən beynəlxalq sularda zorla saxlanılan Əzm Donanmasının 42 könüllüsü İsrail həbsxanalarında toplu aclıq aksiyasına başlayıb. Donanmanın ABŞ mərkəzli X platformasındakı rəsmi hesabında yayılan açıqlamada bildirilib ki, 42 könüllü İsrailin müxtəlif həbsxanalarında eyni vaxtda aclıq aksiyasına başlayıb.
İsraildə saxlanılan 14 vətəndaşın qayıdışı üçün işlər davam edir - Türkiyə XİN
Hazırda İsraildə saxlanılan 14 vətəndaşımızın sabah (7 oktyabr) İordaniya üzərindən ölkəmizə gələ bilmələri üçün işlərimiz davam edir. Türkiyə Xarici İşlər Nazirliyinin sözçüsü Öncü Keçeli, İsrail tərəfindən saxlanılan türk fəallarla bağlı açıqlama verib. Qeyd edək ki, İsrailin blokadasını yarmaq və Qəzzaya humanitar yardım çatdırmaq məqsədilə yola çıxan Əzm Flotiliyası, 1 oktyabr axşamı Qəzza sularına yaxınlaşıb. Flotilyaya hücum edən İsrail ordusu, onlarla qayığı və gəmini qanunsuz şəkildə ələ keçirərək yüzlərlə sərnişini saxlayıb.
Qəzzada sülh üçün bütün imkanlarımızı səfərbər etmişik - Ərdoğan
Türkiyə Prezidenti Rəcəb Tayyib Ərdoğan Sultanbeylidə keçirilən toplu açılış və təməlqoyma mərasimində çıxış edərək Qəzzədə davam edən humanitar böhrana diqqət çəkib. Ərdoğan bildirib ki, iki ildən bəri bölgədə yaşanan “soyqırımın” dayandırılması üçün Türkiyə humanitar yardımdan diplomatik kanallara qədər bütün imkanlarını səfərbər edib
İsrailin saxladığı 36 Türkiyə vətəndaşı bu gün ölkəyə qaytarılacaq - Türkiyə XİN
Türkiyə Xarici İşlər Nazirliyinin sözçüsü Öncü Keçeli, İsrail tərəfindən saxlanılan türk fəallarla bağlı açıqlama verib. Keçeli bildirib ki, Əzm Donanması gəmilərində olan 36 Türkiyə vətəndaşının bu gün günorta saatlarında xüsusi təyyarə reysi ilə ölkəyə gətirilməsi planlaşdırılır.
Əzm Donanmasına hücum etiraz dalğasına səbəb olub
İsrailin Qəzza Zolağına humanitar yardım aparmaq üçün yola çıxan Qlobal Sumud Donanmasına hücumundan sonra dünyanın dörd bir tərəfində etiraz aksiyaları keçirilir. Türkiyənin bir çox şəhərində donanmaya dəstək aksiyaları keçirilərkən, İtaliyada bəzi həmkarlar ittifaqları donanmanın qarşısının alınmasını əsas göstərərək ümumi tətil elan edib. Bir çox şəhərdə qatar reysləri ləngiyib, liman işçiləri gəmi hərəkətini əngəlləyib. Milan şəhərində təxminən 20 min nəfər hücumu etirazla qarşılayıb, paytaxt Roma və Turin şəhərlərində də minlərlə italyan əlində Fələstin bayraqları ilə küçələrə çıxıb.
İsrailin mülki şəxslərə qarşı güc tətbiqi beynəlxalq hüquqa ziddir - BMT
Təbii ki, mülki şəxslərə qarşı ölümcül güc tətbiqi beynəlxalq insan hüquqları və humanitar hüquqa ziddir. İsrail beynəlxalq insan hüquqları standartlarına əməl etməlidir. BMT Cenevrə Ofisinin İnformasiya Bölməsinin Mətbuat və Xarici Əlaqələr Şöbəsinin müdiri Rolando Gomez BMT Cenevrə Ofisinin həftəlik mətbuat konfransında sualları cavablandırıb. “(Mülki şəxslərə qarşı güc tətbiqi) Biz bunu davamlı olaraq deyirik. Dünyanın müxtəlif bölgələrindəki bir çox münaqişə zonaları üçün bunu söyləyirik. Bu, BMT-nin qəti mövqeyidir. İsrail beynəlxalq insan hüquqları standartlarına əməl etməlidir.” - deyə o qeyd edib.
