BAKI, AzerVoice, Nailə Babazadə
Türkiyə Xarici İşlər Nazirliyinin sözçüsü Öncü Keçeli, İsrail tərəfindən ələ keçirilən Əzm Donanmasına aid qayıqlarda olan 18 Türk vətəndaşının bu gün günortadan sonra xüsusi təyyarə reysi ilə ölkəyə gətiriləcəyini açıqlayıb.
AzerVoice xəbər verir ki,Keçeli sosial media hesabında paylaşdığı məlumatda qeyd edib.
“İsrail tərəfindən ələ keçirilən Əzm Donanmasına aid texnikalarda olan 18 vətəndaşımız, təşkil olunan xüsusi təyyarə reysi ilə bu gün günortadan sonra ölkəmizə gəlir. Həmin reys vasitəsilə ümumilikdə 21 ölkədən 94 fəal təxliyə olunur.”
Xatırladaq ki, Əzm Donanmasının məqsədi Qəzzaya humanitar yardım çatdırmaq və blokadanın simvolik olaraq qırılmasını təmin etmək idi. İsrail qüvvələrinin müdaxiləsi nəticəsində donanmadakı bir neçə gəmi saxlanılmış və iştirakçılar nəzarət altına alınmışdı.
