İsrailin saxladığı Türk vətəndaşları xüsusi reyslə geri gətirilir - Türkiyə XİN
Türkiyə Xarici İşlər Nazirliyinin sözçüsü Öncü Keçeli, İsrail tərəfindən ələ keçirilən Əzm Donanmasına aid qayıqlarda olan 18 Türk vətəndaşının bu gün günortadan sonra xüsusi təyyarə reysi ilə ölkəyə gətiriləcəyini açıqlayıb. Keçeli sosial media hesabında paylaşdığı məlumatda qeyd edib. “İsrail tərəfindən ələ keçirilən Əzm Donanmasına aid texnikalarda olan 18 vətəndaşımız, təşkil olunan xüsusi təyyarə reysi ilə bu gün günortadan sonra ölkəmizə gəlir. Həmin reys vasitəsilə ümumilikdə 21 ölkədən 94 fəal təxliyə olunur.”
“Əzm Qlobal Flotiliyasının” saxlanılan iştirakçıları arasında iki azərbaycanlı var
Məlumata əsasən “Əzm Qlobal Flotiliyasının” iştirakçıları arasında iki Azərbaycan vətəndaşı - Orxan Səmədzadə və Pərvin Əzimov da var. Onlar Qəzzaya humanitar yardım aparmaq məqsədilə təşkil olunan dinc aksiya zamanı İsrail tərəfindən saxlanılıb və hazırda qanunsuz şəkildə həbsdə saxlanılırlar.
