İran müharibəsi ABŞ Hərbi Dəniz Qüvvələrini gərginlik altında saxlayır
ABŞ-ın İranla müharibəyə cəlb olunması ölkənin təyyarədaşıyan gəmilərinin imkanlarını ciddi şəkildə sınağa çəkir. “USS George Washington” təyyarədaşıyan gəmisinin Asiyadan ayrılaraq Yaxın Şərqə göndərilməsi ilə Qərbi Sakit okean bölgəsi müvəqqəti olaraq ABŞ təyyarədaşıyan gəmisi olmadan qalacaq.
"Bavi" qasırğası Çinin Taycou şəhərinə çatıb, təxminən iki milyon nəfər təxliyə edilib
"Bavi" qasırğası Çinin Taycou şəhərinə çatıb. Təbii fəlakət səbəbindən Çində təxminən iki milyon nəfər təxliyə edilib. Qasırğanın küləyinin sürəti saatda 144 kilometrə çatıb. Sinoptiklər güclü yağış və daşqın təhlükəsinin davam etdiyini bildirirlər. Filippində qasırğa ilə əlaqəli yağışlar nəticəsində 17 nəfər ölüb. Tayvanda 113 nəfər xəsarət alıb və 14 mindən çox sakin təxliyə edilib. Ada üzrə minlərlə aviareys ləğv olunub və bir çox müəssisə fəaliyyətini dayandırıb. Bölgədə fövqəladə hazırlıq tədbirləri davam etdirilir.
Pentaqon rəhbəri: ABŞ-də sursat ehtiyatları ilə bağlı narahatlıqlar əsassızdır
ABŞ müdafiə naziri Pit Heqset ölkədə sursat çatışmazlığı yaşandığı barədə iddiaları təkzib edib. O bildirib ki, hərbi ehtiyatların vəziyyəti ilə bağlı yayılan məlumatlar həqiqəti əks etdirmir. Son dövrlərdə İran ətrafında artan gərginlik fonunda ABŞ silah ehtiyatları ilə bağlı narahatlıqlar güclənmişdi. Bu müzakirələrə ABŞ Hərbi Dəniz Qüvvələrinin müvəqqəti rəhbəri Hunq Kaonun açıqlamaları da təsir göstərmişdi. Pit Heqset isə sursat ehtiyatlarının kifayət qədər yüksək səviyyədə olduğunu vurğulayıb. Nazir ehtiyatların davamlı şəkildə artırıldığını bildirib. Onun sözlərinə görə, ABŞ müdafiə sənayesi rekord həcmdə istehsal həyata keçirir. Rəsmi Vaşinqton hərbi imkanlarının zəifləmədiyini, əksinə daha da gücləndiyini bəyan edir.
ABŞ - Yaponiya ortaq hərbi təlimi Çin üçün hansı risklər yaradır?
ABŞ ordusunun Yaponiyada yerləşən Fuci hərbi düşərgəsində keçirdiyi son canlı atəş təlimləri cəmi bir neçə dəqiqə davam etsə də, Vaşinqtonun Sakit okean bölgəsində dəyişən hərbi strategiyasının mühüm nümayişi kimi qiymətləndirilir. Təlimlərin əsas məqsədi Çinin Tayvana qarşı mümkün hərbi əməliyyatlarına qarşı yeni çəkindirmə modelini nümayiş etdirmək olub.
Çin 2027-ci ildə Tayvana hücum planlaşdırmır - ABŞ kəşfiyyatı
ABŞ kəşfiyyat icmasının 2026-cı il üzrə illik təhdid qiymətləndirməsinə əsasən, Çin Tayvan üzərində nəzarəti ələ keçirmək niyyətini qorusa da, 2027-ci ildə hərbi müdaxilə planlaşdırmır və bu istiqamətdə konkret zaman qrafiki müəyyən etməyib.
Azərbaycanın mövqeyi Tayvan məsələsində beynəlxalq hüquq prinsiplərinə əsaslanır - Ceyhun Bayramov
Azərbaycanın mövqeyi beynəlxalq hüquq prinsiplərinə əsaslanır
Pekin Tayvan yaxınlığında genişmiqyaslı hərbi təlimlər aparır
Çinin suverenlik mübahisəsi yaşadığı Tayvan ətrafında başladığı hərbi təlimlər ikinci günündə də davam edir. Çin Xalq Azadlıq Ordusunun (ÇXAO) Tayvanın yerləşdiyi bölgəyə cavabdeh olan Şərq Cəbhəsi Komandanlığının sözçüsü, kapitan Li Si bildirib ki, komandanlığa tabe quru qoşunları səhər saatlarında adanın şimalında sulara yerləşdirilən hədəflərə qarşı uzunmənzilli atış təlimləri keçirib. Komandanlıqdan verilən ayrı açıqlamada isə təlimlər çərçivəsində dəniz hədəflərinə qarşı hücum simulyasiyalarının, hava hücumundan müdafiə və sualtı qayıqlara qarşı müdafiə əməliyyatlarının icra ediləcəyi qeyd olunub.
Tramp Tayvan qanununu təsdiqləyib
ABŞ Prezidenti Donald Tramp Tayvanla münasibətlər üçün institusional qaydaları nəzərdən keçirmək və hesabat vermək üzrə Dövlət Departamentinin mövcud öhdəliklərini daimi olaraq genişləndirən Tayvan Təminatının İcrası Qanununu imzalayıb. Ağ Ev Trampın Dövlət Departamentinə Tayvanla rəsmi əlaqələr üçün qaydaları ən azı beş ildən bir nəzərdən keçirməyi tapşıran Tayvan Təminatının İcrası Qanununu imzaladığını açıqlayıb.
Çin Tayvana mümkün amfibi əməliyyat üçün mülki donanmanı hərbiləşdirir
Çinin Tayvanla bağlı hərbi hazırlıqlarının miqyası genişlənir. Pekin mümkün işğal ssenarisi üçün mülki yük və bərə gəmilərini hərbi desant əməliyyatlarını dəstəkləyəcək şəkildə modernləşdirməyə başlayıb.
Anduril ABŞ Donanmasının pilotsuz döyüş təyyarəsi proqramına qoşuldu
ABŞ-ın müdafiə sənayesində yeni, lakin sürətlə inkişaf edən şirkətlərdən biri olan Anduril, ABŞ Donanmasının uçak gəmisi əsaslı pilotsuz döyüş təyyarəsi proqramı olan Carrier-Ready Collaborative Combat Aircraft (CCA) layihəsinə rəsmi şəkildə qoşulub. Beləliklə, Anduril Boeing, Lockheed Martin, General Atomics və Northrop Grumman kimi nəhəng müdafiə şirkətləri ilə eyni sırada yer alaraq proqramın əsas iştirakçılarından birinə çevrilib. Proqramın əsas məqsədi, pilotlu döyüş təyyarələri ilə yanaşı fəaliyyət göstərə bilən, aşağı maliyyətli və geniş miqyasda istehsal oluna bilən pilotsuz döyüş platformalarının hazırlanmasıdır. ABŞ Donanması bu təşəbbüslə daha çevik, modern və büdcəyə uyğun döyüş sistemlərini donanma tərkibinə sürətli şəkildə inteqrasiya etməyi hədəfləyir.
ABŞ-ın Yonaquniyə HIMARS Planı - Tayvan gərginliyi yeni mərhələdə
Tokiodakı Jiji agentliyinin hökumət mənbələrinə istinadən verdiyi məlumata görə, yerləşdirmə 11-25 sentyabr tarixlərində ABŞ Dəniz Piyadaları və Yaponiya Özünümüdafiə Qüvvələrinin “Qətiyyətli Əjdaha” təlimi zamanı baş tutacaq. Yaponiyanın ən qərb adası olan Yonaquni, Tayvandan təxminən 110 km məsafədə yerləşir və Tayvan boğazında potensial geosiyasi münaqişələr üçün strateji əhəmiyyətə malikdir. “Qətiyyətli Əjdaha” təlimi, Yaponiya ətrafındakı ucqar adaların müdafiəsinə fokuslanan ən böyük hərbi təlimlərdən biridir. X platformasında yayılan fikirlər, ABŞ-ın bu addımının Çinin regiondakı hərbi fəaliyyətlərinə cavab olduğunu və gərginliyi artıra biləcəyini göstərir.
ABŞ Çinə qarşı dəniz və hava dronlarından ibarət donanma yaradır
ABŞ Çinlə mümkün silahlı qarşıdurmaya hazırlıq məqsədilə dənizdə istifadə ediləcək pilotsuz aparat donanması üzərində işləyir. Prototiplərin sınaqları Kaliforniya sahillərində, Sakit okeanda keçirilib. Testlər zamanı gəmilərdən biri proqram təminatındakı nasazlıq səbəbindən qəfil dayanaraq okeanda sürüklənib, digər sürətli pilotsuz kater isə ona çırpılaraq göyərtənin üzərindən aşıb keçib.
