Devlet Bahçeli ilə DEM Partiyasının İmralı heyəti arasında görüş keçirilib
Milliyyətçi Hərəkat Partiyasının (MHP) sədri Devlet Bahçeli ilə DEM Partiyasının İmralı üzrə nümayəndə heyəti Türkiyə Böyük Millət Məclisində (TBMM) görüş keçirib. Görüş “terrorsuz Türkiyə” prosesinin davamı çərçivəsində baş tutub. Məlumata görə, DEM Partiyasının İmralı heyətinə Pervin Buldan, Mithat Sancar və Faik Özgür Erol daxil olub. Görüşdən əvvəl nümayəndə heyəti DEVA Partiyasının sədri Ali Babacanla da bir araya gəlib.
