İran Oman dənizində 6 milyon litr yanacaq daşıyan tankeri ələ keçirib

İran hakimiyyəti Oman dənizində 6 milyon litr qaçaq yanacaq daşımaqda şübhəli bilinən xarici neft tankerini saxlayıb. Bu barədə Hormozqan vilayətinin baş prokuroru Möctəba Qəhrəman şənbə günü açıqlama verib. Qəhrəman bildirib ki, tanker Oman dənizində İranın dəniz sərhədləri boyunca aparılan kəşfiyyat nəzarəti çərçivəsində şübhəli yanacaq qaçaqmalçılığı fəaliyyəti ilə əlaqədar saxlanılıb.