Kolumbiya xarici işlər naziri xarici təcavüz halında hərbi cavab veriləcəyini bildirib

Kolumbiyanın xarici işlər naziri Rosa Yolanda Villavicencio ölkəsinin suverenliyinə qarşı istənilən xarici təcavüzə hərbi cavab veriləcəyini bəyan edib. Nazir bu açıqlama ilə ABŞ Prezidenti Donald Trampın son bəyanatlarına reaksiya verib. Villavicencio çərşənbə axşamı keçirdiyi mətbuat konfransında beynəlxalq hüquqa əsasən dövlətlərin özünümüdafiə hüququna malik olduğunu vurğulayıb.