İslamabadda məscid hədəf alındı: Ölü sayı 31-ə yüksəldi
Pakistanın paytaxtı İslamabadda bir məsciddə güclü partlayış baş verib. Hadisənin Cümə namazı vaxtı törədildiyi bildirilir. Polisin verdiyi məlumata görə, terror aktı nəticəsində azı 31 nəfər həyatını itirib, 169-dan çox insan isə yaralanıb. Hüquq-mühafizə orqanlarının açıqlamasına əsasən, hadisə paytaxtın cənub-şərqində yerləşən Tarlai bölgəsində qeydə alınıb. Partlayış şiələrə məxsus olduğu bildirilən İmam Barqah məscidində, dindarların ən sıx olduğu vaxtda — Cümə namazı zamanı baş verib.
Pakistan ərəb dünyasında hərbi təsirini genişləndirir
Pakistanın müdafiə sənayesi son dövrlər ərəb dünyasında artan hərbi-siyasi rolu ilə regional balanslara təsir göstərməyə başlayıb. Pakistanın Sudan ordusuna döyüş təyyarələri və silah satışı ilə bağlı təxminən 1,5 milyard dollar dəyərində razılaşma üzərində işlədiyi bildirilir. Yanvarın əvvəlində yayılan məlumatlara görə, sözügedən razılaşma yekunlaşmaq üzrədir və Sudanda üç ilə yaxındır davam edən, on minlərlə insanın ölümünə və milyonlarla insanın didərgin düşməsinə səbəb olan müharibənin gedişinə ciddi təsir göstərə bilər.
