Nazir Məcnun Məmmədov Türkiyənin Dövlət Su İşləri İdarəsinin Baş direktor müavini ilə görüşüb
Kənd təsərrüfatı naziri Məcnun Məmmədov Türkiyənin Dövlət Su İşləri İdarəsinin nümayəndə heyəti ilə görüş keçirib. Görüşdə torpaqların konsolidasiyası və aqrar sahədə əməkdaşlıq əsas müzakirə mövzusu olub. Dövlət Proqramı çərçivəsində həyata keçiriləcək pilot layihələr barədə fikir mübadiləsi aparılıb. Qəbələ və Salyan rayonlarında planlaşdırılan layihələrin gedişi və ilkin qiymətləndirmələrin nəticələri nəzərdən keçirilib. Tərəflər hüquqi, texniki və institusional məsələləri də müzakirə ediblər. Türkiyə təcrübəsinin Azərbaycanda tətbiqinin əhəmiyyəti vurğulanıb. Görüşdə gələcək əməkdaşlığın genişləndirilməsi barədə razılıq ifadə olunub.
Azərbaycan və Rusiya arasında aqrar sahədə əməkdaşlıq müzakirə edilib
Kənd təsərrüfatı naziri Məcnun Məmmədov və Rusiya Federasiyası Prezidentinin köməkçisi, Rusiya Federasiyası Prezidentinin iqlim və su ehtiyatları üzrə xüsusi nümayəndəsi Ruslan Edelgeriev arasında görüş keçirilib. Görüş zamanı iki ölkə arasında kənd təsərrüfatı sahəsində mövcud vəziyyət müzakirə olunub, tərəflər iqtisadiyyatın digər sahələrində olduğu kimi, aqrar sahədə də əməkdaşlığın inkişaf etdiyini vurğulayıblar.
Nazir Məcnun Məmmədov Macarıstanın Azərbaycandakı səfiri ilə görüşüb
Azərbaycanın kənd təsərrüfatı naziri Macarıstan səfiri ilə görüş keçirib. Görüşdə aqrar sahədə əməkdaşlıq müzakirə olunub. Tərəflər ticarət və texnologiya sahəsində əlaqələrin genişləndirilməsini vacib sayıb. Türk Dövlətləri Təşkilatı çərçivəsində əməkdaşlıq da qeyd olunub. İkili diplom proqramları gündəmə gətirilib. Birgə aqrar universitetin yaradılması perspektivləri müzakirə olunub. Hüquq-müqavilə bazasının gücləndirilməsi vurğulanıb. Görüş konstruktiv atmosferdə keçib.
İstanbulda Azərbaycan və Moldova kənd təsərrüfatı nazirlərinin görüşü keçirilib
İstanbulda keçirilən görüşdə Azərbaycan və Moldova arasında kənd təsərrüfatı sahəsində əməkdaşlığın gələcək inkişaf istiqamətləri müzakirə olunub. Tərəflər ərzaq təhlükəsizliyi, iqlim dəyişikliklərinə uyğunlaşma, müasir texnologiyaların tətbiqi, kənd təsərrüfatı məhsullarının ixrac imkanlarının genişləndirilməsi və aqrar sahədə təcrübə mübadiləsi məsələlərinə xüsusi diqqət yetiriblər. Görüşdə həmçinin şərabçılıq, elmi tədqiqat, təhsil proqramları və aqrar sahənin rəqəmsallaşdırılması üzrə əməkdaşlığın gücləndirilməsi məsələləri ətrafında fikir mübadiləsi aparılıb.
Aqrar sahədə dövlət-özəl əməkdaşlığı müzakirə edilib
Kənd Təsərrüfatı Nazirliyi və Azərbaycan Respublikası Sahibkarlar Konfederasiyasının nümayəndələri arasında keçirilən görüşdə dövlət-özəl tərəfdaşlığının aqrar sahədə rolu müzakirə olunub. Nazir Məmmədov qeyri-neft sektorunun inkişafı və ərzaq təhlükəsizliyində kənd təsərrüfatının əhəmiyyətini, Musayev isə aqrar sahənin iqtisadi və sosial töhfəsini vurğulayıb. ATM direktoru və ASİ layihəsinin rəhbəri innovativ həllərin tətbiqi və rəqəmsal idarəetmənin fermer rifahı, məhsuldarlıq və resurslardan səmərəli istifadə baxımından əhəmiyyətini açıqlayıblar.
Məcnun Məmmədov Naxçıvanda fermerlərlə görüşüb
Səfər çərçivəsində nazir Məcnun Məmmədov əvvəlcə Əlincəçay-Bənəniyar su kanalına və Bənəniyar su anbarına baxış keçirib. Nazirə məlumat verilib ki, “Naxçıvan Muxtar Respublikasının sosial-iqtisadi inkişafına dair 2023–2027-ci illər üçün Dövlət Proqramı”na uyğun olaraq Əlincəçaydan su götürən və Culfa rayonu ərazisində yerləşən Bənəniyar su anbarını qidalandıran kanalın yenidən qurulması işləri davam etdirilir. Layihə çərçivəsində ümumilikdə 6 550 metr uzunluğunda kanalın yenilənməsi nəzərdə tutulur.
Məcnun Məmmədov Macarıstan səfiri və TDT rəsmiləri ilə aqrar əməkdaşlığı müzakirə edib
Kənd təsərrüfatı naziri Məcnun Məmmədov Macarıstanın Azərbaycandakı fövqəladə və səlahiyyətli səfiri Tamaş Torma, Türk Dövlətləri Təşkilatının (TDT) Budapeşt şəhərindəki Nümayəndəliyinin icraçı direktoru Balaj Hendrix və Quraqlığın Qarşısının Alınması İnstitutunun direktoru Laszlo Örloş ilə görüşüb.
Milli Məclisdə aqrar sahədə süni intellektin tətbiqi müzakirə olunub
Kənd təsərrüfatında süni intellekt texnologiyalarının tətbiqinə dair məsələlər Milli Məclisdə keçirilən ictimai dinləmədə müzakirə olunub. Milli Məclisin Aqrar siyasət komitəsinin təşkilatçılığı ilə parlamentdə “Kənd təsərrüfatında süni intellektin tətbiqi: nəticələr və perspektivlər” mövzusunda ictimai dinləmə keçirilib. Tədbirdə Milli Məclisin üzvləri, Kənd Təsərrüfatı Nazirliyinin, Rəqəmsal İnkişaf və Nəqliyyat Nazirliyinin, Azərbaycan Respublikasının Qida Təhlükəsizliyi Agentliyinin rəhbər şəxsləri və digər dövlət qurumlarının nümayəndələri iştirak ediblər.
Nazir Məcnun Məmmədov Xızı və Abşeronda yerləşən quşçuluq müəssisələrinin fəaliyyəti ilə tanış olub
Kənd təsərrüfatı naziri Məcnun Məmmədov Xızı və Abşeron rayonlarında fəaliyyət göstərən quşçuluq müəssisələrinin fəaliyyəti ilə tanış olub.
Məcnun Məmmədov İsrailin Azərbaycandakı səfiri ilə görüşüb
Kənd təsərrüfatı naziri Məcnun Məmmədov İsrail Dövlətinin Azərbaycanda fövqəladə və səlahiyyətli səfiri Ronen Krausz ilə görüşüb. Qonaqları salamlayan kənd təsərrüfatı naziri Məcnun Məmmədov Azərbaycanda aqrar sektora dövlət dəstəyi barədə görüş iştirakçılarına ətraflı məlumat verib. Bildirilib ki, ölkəmizdə həyata keçirilən aqrar islahatlar kənd təsərrüfatının daha da inkişafını nəzərdə tutur və bu məqsədlə dövlət tərəfindən dəstək tədbirləri həyata keçirilir.
Məcnun Məmmədov Ucarda vətəndaşları qəbul edib
Azərbaycan Respublikasının Prezidenti İlham Əliyevin tapşırıq və tövsiyələrinə əsasən mərkəzi icra hakimiyyəti orqanlarının rəhbərləri bölgələrdə vətəndaşların qəbulunu keçirir, onların müxtəlif məsələlərlə bağlı müraciət, ərizə və şikayətlərinin müsbət həlli üçün müvafiq tədbirlər görürlər.
Kənd Təsərrüfatı Nazirliyində “2025-ci ilin yekunları və 2026-cı ildə qarşıda duran vəzifələr” mövzusunda müşavirə keçirilib
Müşavirəni giriş sözü ilə açan nazir Məcnun Məmmədov bildirib ki, 2025-ci il aqrar sahə üçün məsuliyyətli və intensiv fəaliyyət dövrü olub. Dövlət dəstəyi mexanizmlərinin təkmilləşdirilməsi, subsidiya siyasətinin daha ünvanlı və şəffaf tətbiqi, fermerlərə göstərilən xidmətlərin keyfiyyətinin artırılması, həmçinin rəqəmsallaşma istiqamətində atılan addımlar sahənin dayanıqlı inkişafına mühüm töhfə verib. 2025-ci ildə ölkədə 129 milyard manat həcmində ümumi daxili məhsul istehsal olunub ki, bunun 5,9 faizi kənd təsərrüfatının payına düşür. Kənd təsərrüfatı qeyri neft-qaz sektoru üzrə ixrac edilən məhsullar arasında birinci pillədə olmaqla, ölkənin ərzaq təhlükəsizliyinin təmin edilməsində və valyuta daxilolmalarının formalaşmasında mühüm strateji rol oynayır.
