Qəzza qlobal nizamın sarsılmasının simvoluna çevrilib - Burhanəddin Duran

Türkiyə Prezident Administrasiyasının Kommunikasiya İdarəsinin rəhbəri Burhanəddin Duran Dohada keçirilən “Al Jazeera”nin 17-ci Forumunda çıxış edərək Qəzzada yaşananların təkcə humanitar faciə deyil, həm də qlobal nizamın çökməsinin açıq göstəricisi olduğunu bildirib. Duran çıxışında müharibələrin artıq yalnız fiziki döyüş meydanlarında aparılmadığını vurğulayıb. Onun sözlərinə görə, müasir münaqişələr informasiya, narrativlərin formalaşdırılması, ictimai rəyin idarə olunması və alqoritmik nəzarət vasitəsilə aparılır. Duran qeyd edib ki, informasiya strateji resursa çevrilib, dezinformasiya isə siyasi güc alətinə transformasiya olunub.