BMT hesabatı: Qəzza və Qərb sahilində insan hüquqları pozulur
BMT-nin araşdırması göstərir ki, fələstinli mülki əhali İsrail qüvvələri, sərhəd sakinləri və Həmas arasında qalmışdır. Qəzza və Qərb Sahilində insanlar sistemli və qəsdən ciddi hüquq pozuntularına məruz qalır. Hesabatda adi fələstinlilərin həm İsrail qüvvələrinin, həm də Həmasın zorakı idarəçiliyi arasında sıxışdırıldığı vurğulanır. Araşdırma, həmçinin işğal altındakı bölgədə zorakılıqların artdığını və israilli sakinlərin hücumlarının gündəlik təhlükə yaratdığını bildirir.
Bu gün Pol Pot Kambocanın adını Kampuçiya olaraq dəyişdi
5 yanvar 1976-cı ildə Kambocada hakimiyyətdə olan “Qırmızı kxmerlər” hərəkatının lideri Pol Pot yeni konstitusiyanın qəbul edildiyini elan edib. Həmin sənədə əsasən ölkənin adı Kampuçiya olaraq dəyişdirilib və kommunist idarəetmə rəsmi şəkildə qanuniləşdirilib. Bu qərar Kamboca tarixində ən faciəli dövrlərdən birinin başlanğıcı olub. Növbəti üç il ərzində Pol Pot rejiminin həyata keçirdiyi siyasət nəticəsində 1–2 milyon insan aclıq, xəstəlik, məcburi əmək və kütləvi qətllər səbəbindən həyatını itirib.
Qəzza Məhkəməsi İsrailin Qəzzədəki cinayətlərini “Soyqırım” olaraq tanıdı
İstanbul Universitetinin Prof. Dr. Cemil Bilsel Konfrans Salonunda toplanan və keçmiş BMT-nin Fələstin üzrə xüsusi məruzəçisi Prof. Dr. Richard Falkın rəhbərlik etdiyi Qəzza Məhkəməsi üzvləri yekun qərarını açıqlayıb. Məhkəmə heyətinin hazırladığı qərarda İsrailin Qəzza Zolağındakı əməliyyatları “soyqırım” kimi təsnif edilib və bu hərəkətlərin sənədləşdirilməsi ilə bağlı geniş arqumentlər təqdim olunub.
Azərbaycan xalqına qarşı çoxsaylı cinayətlərin törədilməsində təqsirləndirilən şəxslərin məhkəməsinin növbəti iclasının vaxtı açıqlanıb
Xəbər verildiyi kimi, Ermənistanın Azərbaycana qarşı hərbi təcavüzü nəticəsində sülh və insanlıq əleyhinə cinayətlər, müharibə cinayətləri, o cümlədən təcavüzkar müharibənin hazırlanması və aparılması, soyqırımı, müharibə qanunlarını və qaydalarını pozma, habelə terrorçuluq, terrorçuluğu maliyyələşdirmə, hakimiyyəti zorla ələ keçirmə, onu zorla saxlama və digər çoxsaylı cinayətlər törətməkdə təqsirləndirilən Ermənistan Respublikasının vətəndaşları Arayik Harutyunyan, Arkadi Qukasyan, Bako Sahakyan, Davit İşxanyan, David Babayan, Levon Mnatsakanyan və digərlərinin barəsində olan cinayət işləri üzrə açıq məhkəmə prosesinin baxış iclası sentyabrın 29-da davam etdirilib.
İsrailin Fələstinə hücumları Avropada etirazla qarşılanır
Stokholmda bir araya gələn yüzlərlə etirazçı, İsrailin Qəzzadakı hərbi əməliyyatlarını "soyqırımı müharibəsi" adlandıraraq bu prosesin dayandırılmasını tələb ediblər. Odenplan Meydanında təşkil olunan aksiyada iştirakçılar İsrailə silah embarqosunun tətbiqini, İsrailli şirkətlərin boykot edilməsini və bu ölkə ilə bütün münasibətlərin dayandırılmasını istəyiblər.Etirazçılar "Bu bir savaş deyil, soyqırımdır", "Azad Fələstin", "Katil İsrail", "Dirəniş, azadlıq, ədalət və yenidənqurma" kimi şüarlar səsləndiriblər.
