SEPAH ABŞ səfirliyinə hücumda məsuliyyəti rədd edib
İran İslam İnqilabı Keşikçiləri Korpusu (SEPAH) Səudiyyə Ərəbistanının paytaxtı Ər-Riyadda yerləşən ABŞ səfirliyinə dron hücumu ilə bağlı məsuliyyəti rədd edib. Bu bəyanat The Wall Street Journal qəzetinin yaydığı və hücumun Səudiyyə rəsmilərinin açıqladığından daha ciddi nəticələrə səbəb olduğunu iddia edən materialdan sonra verilib.
Səudiyyə Ərəbistanı hava məkanında daha iki PUA-nı zərərsizləşdirib
Səudiyyə Ərəbistanı Müdafiə Nazirliyi çərşənbə günü verdiyi rəsmi bəyanatda ölkənin hava hücumundan müdafiə qüvvələrinin iki pilotsuz uçuş aparatını (PUA) aşkar edərək məhv etdiyini açıqlayıb. Nazirliyin sözçüsü, general-mayor Turki əl-Maliki bildirib ki, pilotsuz aparatlar son bir neçə saat ərzində zərərsizləşdirilib və bölgədəki strateji obyektlərin təhlükəsizliyi tam təmin edilib. Bu müdaxilə Səudiyyə Ərəbistanının son həftələrdə, xüsusilə neftlə zəngin Şərq vilayətini hədəf alan onlarla PUA-nı vurduğu bir vaxtda baş verib.
Son saatlarda 10 PUA və 8 raket zərərsizləşdirilib - Səudiyyə Ərəbistanı MN
Səudiyyə Ərəbistanı son saatlarda ölkəyə yönələn hava hücumlarının qarşısının alındığını açıqlayıb. Səudiyyə Ərəbistanının Müdafiə Nazirliyi tərəfindən yayılan məlumata əsasən, ölkəyə göndərilən 10 pilotsuz uçuş aparatı hava hücumundan müdafiə sistemləri tərəfindən aşkar edilərək məhv edilib.
Səudiyyə Ərəbistanı 39 İran dronunu zərərsizləşdirib
Səudiyyə Ərəbistanının Müdafiə Nazirliyi ölkə ərazisini hədəf alan 39 İran pilotsuz uçuş aparatının məhv edildiyini açıqlayıb. Rəsmi açıqlamada qeyd olunub ki, pilotsuz aparatların ölkə ərazisinə çatmasının qarşısı alınıb və təhlükəsizlik tədbirləri gücləndirilib.
