BAKI,VOA, Fərid Mikayılov

Səudiyyə Ərəbistanı son saatlarda ölkəyə yönələn hava hücumlarının qarşısının alındığını açıqlayıb.

VOA xəbər verir ki, Səudiyyə Ərəbistanının Müdafiə Nazirliyi tərəfindən yayılan məlumata əsasən, ölkəyə göndərilən 10 pilotsuz uçuş aparatı hava hücumundan müdafiə sistemləri tərəfindən aşkar edilərək məhv edilib.

Nazirliyin açıqlamasında qeyd olunur ki, hücumlar qısa zaman intervalında həyata keçirilib və bütün PUA-lar zərərsizləşdirilib.

Eyni zamanda bildirilib ki, gecə saatlarında paytaxt Ər-Riyad bölgəsinə 7, Şərq bölgəsinə isə 1 olmaqla ümumilikdə 8 ballistik raketin qarşısı alınıb.

Rəsmi qurum hücumların ölkənin təhlükəsizliyinə ciddi təhdid yaratdığını vurğulayıb və müdafiə sistemlərinin yüksək hazırlıq səviyyəsində fəaliyyət göstərdiyini qeyd edib.

Ekspertlər hesab edir ki, bu cür hücumların intensivləşməsi regionda gərginliyin artdığını və hava hücumundan müdafiə sistemlərinin strateji əhəmiyyətinin daha da yüksəldiyini göstərir.