İsrailin Livana hücumları 2023-cü ildən bəri 9 minə yaxın insanın ölümünə səbəb olub
İsrailin Livana hücumları nəticəsində 2023-cü il oktyabrın 8-dən bəri 8 925 nəfər həlak olub, 30 595 nəfər yaralanıb.
İsrailin mövqeyi Cənubi Livanda həll prosesini dalana dirəyir
İsrailin bir sıra məsələlər üzrə mövqeyi Cənubi Livanda təhlükəsizliklə bağlı razılaşmanın əldə olunmasını çətinləşdirir.
İsrailin Livana zərbələri davam edir
İsrail ordusu Livanın cənubuna yeni hava və artilleriya zərbələri endirib, bir sıra yaşayış məntəqələrində partlayışlar həyata keçirib. Eyni zamanda İsrailə məxsus pilotsuz uçuş aparatları paytaxt Beyrut və onun cənub ətrafında aşağı hündürlükdə uçuşlar həyata keçirib. Livan Milli Xəbər Agentliyinin məlumatına görə, İsrail hərbi aviasiyası Sur rayonunun Əl-Mənsuri qəsəbəsinə intensiv hava zərbələri endirib. Serbin və Vadi Zəbqin bölgələri də İsrailin hava və artilleriya atəşinə məruz qalıb. Beyt Yater və ətrafında da iki hava hücumu qeydə alınıb.
İsrail Livanda dörd bölgəyə hücum etdi
İsrail ordusu Livanın cənubunda yerləşən Sur, Mərciyyun, Bint Cübeyl və Nəbətiyyə bölgələrinə hava və quru hücumları həyata keçirib. Livanın rəsmi NNA agentliyinin məlumatına görə, İsrail aviasiyası Sur şəhəri və ətraf yaşayış məntəqələrinə zərbələr endirib. Hücumlar zamanı bir sıra ərazilərdə yanğınlar baş verib, İsrailə məxsus hərbi sursat qalıqlarının partlaması nəticəsində bir nəfər yaralanıb.
Vaşinqtonda üçüncü raund - Livan, İsrail və Hizbullah nə istəyir?
ABŞ-ın paytaxtı Vaşinqtonda bu gün Livan və İsrail arasında yeni danışıqlar raundu keçirilir. ABŞ vasitəçiliyi ilə baş tutan görüşlər İsrailin Livana qarşı həyata keçirdiyi genişmiqyaslı hücumlardan cəmi bir gün sonraya təsadüf edir. Son hücumlar nəticəsində azı 22 nəfər, o cümlədən 8 uşaq həyatını itirib. İsrail ordusunun endirdiyi zərbələr Livanın cənubundakı yaşayış məntəqələrini, avtomobilləri və Beyrutla ölkənin cənubunu birləşdirən sahil yolunu hədəfə alıb. Gərginliyin artması ötən ilin aprel ayında ABŞ-ın vasitəçiliyi ilə əldə olunmuş atəşkəs razılaşmasına baxmayaraq baş verir. İsrail ordusu bildirib ki, əməliyyatlar zamanı “Hizbullaha məxsus silah anbarları, raket qurğuları və hərbi infrastruktur” vurulub. Buna cavab olaraq Hizbullah İsrail qüvvələrinin Həddəta yaşayış məntəqəsi istiqamətində irəliləməsinin qarşısını aldıqlarını, həmçinin İsrail hərbi mövqelərinə raket və pilotsuz uçuş aparatları ilə zərbələr endirdiklərini açıqlayıb.
Livanda ölənlərin sayı 2,883 nəfərə çatdı
Livan hökuməti bildirib ki, İsrail hücumlarının intensivləşdiyi martın 2-dən bəri ölkədə azı 2,883 nəfər həlak olub, 8,787 nəfər yaralanıb. Rəsmi məlumata görə, on minlərlə insan sığınacaqlara yerləşdirilib, minlərlə ailə isə məcburi köçkün vəziyyətinə düşüb.
