BAKI,VOA Yusif Şərifzadə
Livan hökuməti İsrailin son hücumları nəticəsində ölkədə humanitar vəziyyətin daha da ağırlaşdığını açıqlayıb.
VOA xəbər verir ki, Livan hökumətinin Fəlakət Risklərinin İdarə Olunması üzrə Bölməsinin yaydığı məlumata görə, martın 2-dən etibarən İsrailin hücumlarını intensivləşdirməsi nəticəsində azı 2,883 nəfər həlak olub, 8,787 nəfər isə yaralanıb.
Qurumun açıqlamasında bildirilib ki, hücumlar səbəbindən 127,721 nəfər sığınacaqlara yerləşdirilib, 33,125 ailə isə yaşayış yerlərini tərk edərək məcburi köçkün vəziyyətinə düşüb.
Məlumatda qeyd olunub ki, bölgədə humanitar böhran dərinləşməkdə davam edir və minlərlə insan təhlükəsizlik problemi ilə üz-üzə qalıb.
