Kayseridə 4,1 maqnitudalı zəlzələ baş verib
Türkiyənin Kayseri vilayətinin Pınarbaşı rayonunda 4,1 maqnitudalı zəlzələ baş verib. Türkiyənin Fövqəladə Halların İdarə Olunması Agentliyinin (AFAD) məlumatına görə, yeraltı təkan saat 09:53-də qeydə alınıb. Zəlzələnin ocağı 7 kilometr dərinlikdə yerləşib. Hazırda zəlzələ nəticəsində dağıntı və xəsarətlərlə bağlı hər hansı məlumat açıqlanmayıb.
Adalar dənizində 3,5 bal gücündə zəlzələ baş verib
Adalar dənizində, Kuşadası körfəzi yaxınlığında 3,5 bal gücündə zəlzələ qeydə alınıb. Bu barədə Türkiyənin Fövqəladə Halların İdarə Olunması Agentliyinin (AFAD) məlumatında bildirilib. İlkin məlumata əsasən, zəlzələ nəticəsində insan tələfatı və ya dağıntılar barədə məlumat verilməyib.
