NXP şirkəti Ambarella-nı satın almaq üçün danışıqlar aparır

NXP Semiconductors şirkəti Ambarella-nı satın almaq üçün danışıqlar aparır. Bu barədə Financial Times məlumat yayıb. Xəbərdən sonra Ambarella-nın səhmləri 17 faiz bahalaşıb, NXP-nin səhmləri isə ucuzlaşıb. Ambarella süni intellekt çipləri və proqram təminatı hazırlayan şirkətdir. Mümkün razılaşma NXP-nin avtomobil və radar texnologiyaları sahəsində mövqeyini gücləndirə bilər. Tərəflər hələlik danışıqlarla bağlı rəsmi açıqlama verməyiblər. Razılaşmanın baş tutacağı da hələ dəqiqləşməyib.