Bağdad Beynəlxalq Hava Limanı 12 saatlıq fasilədən sonra yenidən açılıb
İraq Nəqliyyat Nazirliyi bildirib ki, Bağdad Beynəlxalq Hava Limanı pis hava şəraiti səbəbindən 12 saatlıq fasilədən sonra cümə axşamı yenidən açılıb. Hakimiyyət orqanları saat 13:30 radələrində pis hava şəraiti və görünürlüyü kəskin şəkildə azaldan duman səbəbindən Bağdad hava limanını müvəqqəti olaraq hava nəqliyyatı üçün bağladıqlarını açıqlayıblar. İraqın mərkəzindəki Nəcəf və şimali Kürdüstan bölgəsindəki Süleymaniyyə kimi digər hava limanları da bağlanıb.
