Suriyada ümidsizlik “İŞİD”-in yeganə ümididir
Deyr əz-Zor, Rakka və Həsəkəni əhatə edən Suriya Əl-Cəzirə bölgəsi 2026-cı ildə təşkilatın imkanlarının sınaqdan keçirildiyi əsas meydan hesab olunur. Yanvarın sonunda ABŞ qüvvələrinin yenidən mövqe dəyişməsindən və tamamilə geri çəkilməsindən, ondan əvvəl isə “SDQ” qüvvələrinin digər ərazilərə çəkilməsindən sonra Dəməşqin Fəratın şərqinə nəzarəti ələ alması təşkilatın öz xeyrinə istifadə etməyə çalışdığı yeni təhlükəsizlik reallığı yaradıb.
Suriyadakı inkişafları yaxından izləyirik - Türkiyə MN
Türkiyə Milli Müdafiə Nazirliyi Suriyada son vəziyyətlə bağlı açıqlama yayıb. Nazirlikdə keçirilən həftəlik brifinqdə bildirilib ki, 30 yanvar tarixində Suriya hökuməti ilə SDQ arasında imzalanmış razılaşmanın icrası sahədə yaxından izlənilir. “Suriya Hökuməti ilə SDQ arasında 30 yanvarda imzalanan razılaşmanın tətbiqini sahədə diqqətlə izləməyə davam edirik.” - deyə rəsmi açıqlamada qeyd olunub.
Suriya ordusu Həsəkəyə daxil oldu
Suriya Daxili İşlər Nazirliyinin yaydığı rəsmi açıqlamada bildirilib ki, Mərvan əl-Əli, Həsəkə üzrə Daxili Təhlükəsizlik Komandanı, şəhərə giriş ərəfəsində bölmələrə konkret göstərişlər verib. O, təhlükəsizlik tapşırıqlarının əvvəlcədən təsdiqlənmiş planlar əsasında, qanunvericiliyə tam uyğun, ciddi intizam çərçivəsində icra edilməsinin vacibliyini vurğulayıb. Eyni zamanda, ictimai asayişin qorunması, vətəndaşların, eləcə də dövlət və özəl mülkiyyətin təhlükəsizliyinin təmin olunmasının prioritet olduğu qeyd edilib.
Suriya hökuməti ilə SDQ arasında atəşkəsin müddəti uzadılıb
Suriya hökuməti ilə SDQ arasında elan edilən atəşkəsin müddətinin uzadılması ilə bağlı razılaşma əldə olunduğu bildirilir. Məlumata əsasən, atəşkəsin uzadılması qərarı bölgədə təhlükəsizlik və humanitar məsələlərlə bağlı proseslərin daha nəzarətli şəkildə aparılması məqsədi daşıyır. Xüsusilə, İŞİD üzvlərinin saxlanıldığı düşərgə və həbsxanalardan İraqa köçürülməsi prosesinin təhlükəsiz şəkildə həyata keçirilməsi bu qərarın əsas səbəblərindən biri kimi göstərilir.
Rəqqadakı Aktan həbsxanası nəzarətə götürülüb - Suriya XİN
Suriya Daxili İşlər Nazirliyi Rəqqə vilayətində terror təşkilatı YPG/SDG-nin nəzarətində olan Aktan həbsxanasının rəsmən təhvil alındığını bildirib. Nazirliyin yaydığı yazılı bəyanatda qeyd olunub ki, qurumun tabeliyindəki Həbsxanalar və İslah İdarəsi sözügedən müəssisədə fəaliyyətə başlayaraq orada saxlanılan şəxslərlə bağlı hərtərəfli araşdırmalara start verib. Hazırda hər bir məhbusun şəxsi işi yoxlanılır və bütün tutulanlara qarşı qanuni prosedurların tətbiqi təmin edilir.
PKK-nın Suriya qolu SDQ hərbi və diplomatik olaraq çökmə mərhələsindədir - Ankara
Türkiyənin təhlükəsizlik mənbələri Suriyanın şimalındakı hərbi və diplomatik dəyişiklikləri təhlil edərək terror təşkilatı PKK-nın Suriya qolu olan SDQ-nin tamamilə zəiflədiyini bəyan edib. təhlükəsizlik qaynaqları SDQ-nin nəzarət etdiyi ərazilərin böyük hissəsini itirdiyini və artıq beynəlxalq diplomatiyada korumasız qaldığını vurğulayıb. Məlumata görə terror təşkilatı El-Hol düşərgəsindən geri çəkilib və Həsəkəni İraqa bağlayan strateji Yarubiyə sərhəd keçid məntəqəsi Suriya ordusunun nəzarətinə keçib. Bu inkişaf SDQ ilə İraqdakı Qəndil kadrları arasındakı logistik və strateji bağı tamamilə qırıb. Eyni zamanda Karakozak körpüsü ətrafı və Süleyman Şah türbəsinin yerləşdiyi bölgə də terrorçulardan təmizlənib.
Türkiyədə bayrağa qarşı hücumla bağlı 14 nəfər saxlanılıb
Türkiyənin ədliyyə naziri Yılmaz Tunç dövlət bayrağına qarşı törədilən hücumla bağlı aparılan istintaqın davam etdiyini və indiyədək 14 nəfərin saxlanıldığını açıqlayıb. AK Partiyanın Türkiyə Böyük Millət Məclisində (TBMM) keçirilən qrup toplantısında iştirak edən nazir Tunç toplantıdan öncə jurnalistlərə açıqlama verib. O bildirib ki, hazırda 105 nəfər barəsində saxlanılma qərarı, 50 nəfər barəsində isə axtarış (tutma) qərarı mövcuddur.
Səudiyyə Ərəbistanı Dəməşq ilə SDQ arasındakı razılaşmanı alqışlayıb
Səudiyyə Ərəbistanı Suriya hökuməti ilə Suriya Demokratik Qüvvələri (SDQ) arasında əldə olunmuş tarixi razılaşmanı dəstəklədiyini bəyan edib. Krallığın Xarici İşlər Nazirliyi bazar ertəsi yaydığı bəyanatda Dəməşq ilə SDQ arasında əldə olunan 14 bəndlik sazişi müsbət addım kimi qiymətləndirib. Razılaşmaya əsasən, bütün SDQ qüvvələri Suriyanın Müdafiə və Daxili İşlər nazirliklərinin tərkibinə daxil ediləcək. Həmçinin kürd birləşmələrinin Fərat çayının şərqinə çəkilməsi və Deyr əz-Zor ilə Rəqqa vilayətlərinin idarəetməsinin dərhal mərkəzi hökumətə təhvil verilməsi nəzərdə tutulur. Sənədə görə, Suriya dövləti bölgədəki bütün sərhəd keçid məntəqələri, neft və qaz yataqları üzərində nəzarəti tam bərpa edəcək.
Suriya ordusu Hələbin şərqində mülki əhalinin təxliyəsi üçün humanitar dəhliz açır
Suriya ordusu Hələb vilayətində hökumət qüvvələri ilə kürdlərin rəhbərlik etdiyi qruplaşmalar arasında gərginliyin artması səbəbindən mülki şəxslərin ərazini tərk etməsi üçün humanitar dəhliz açacağını elan edib. ordunun rəsmi bəyanatına əsasən, mülki əhali cümə axşamı saat 09.00-dan 17.00-dək açılacaq dəhliz vasitəsilə təhlükəsiz bölgələrə keçə biləcək. Bu addım ordunun Hələb şəhərindən təxminən 60 kilometr şərqdə yerləşən Deyr Hafir və Məskənə qəsəbələrində genişmiqyaslı hərbi əməliyyatlara başlamağa hazırlaşdığının siqnalı kimi qiymətləndirilir. Suriya hərbçiləri Suriya Demokratik Qüvvələrini (SDG) və digər silahlı qrupları Fərat çayının şərqinə çəkilməyə çağırıb.
Suriya ordusu ilə SDG arasında gərginlik artır: Hələb ətrafında qarşılıqlı atəş açılıb
Suriya hökumət qüvvələri ilə kürdlərin rəhbərlik etdiyi Suriya Demokratik Qüvvələri (SDG) arasında Hələb vilayətinin şərqində qarşılıqlı atəş açılması bölgədə gərginliyi pik həddə çatdırıb. Suriya ordusunun Hələbin şərqindəki bəzi əraziləri "qapalı hərbi zona" elan etməsindən sonra tərəflər arasında toqquşmalar başlayıb. SDG-nin bəyanatına görə, hökumət qüvvələri Deyr Hafir rayonunu artilleriya və raket atəşinə tutub, həmçinin partlayıcı yüklü dronlardan istifadə edib. Suriya dövlət televiziyası isə cavab olaraq SDG-nin Homeima kəndini dronlarla hədəf aldığını bildirib.
Hakan Fidan Suriya XİN rəhbəri ilə Hələb məsələsini müzakirə edib
Türkiyə Xarici işlər naziri Hakan Fidan bu gün Suriya Xarici İşlər naziri Əsəd Həsən əş-Şeybani ilə telefon danışığı aparıb. Danışıq zamanı Hələb şəhərində baş verən son hadisələr müzakirə edilib. Türkiyə XİN-in mənbələrindən verilən məlumata görə, Hakan Fidan Suriya Xarici İşlər naziri Əsəd Həsən əş-Şeybani ilə telefon əlaqəsi saxlayıb. Görüşdə Hələbdə yaşanan son hadisələr diqqət mərkəzində olub.
Suriya ordusu SDQ-ə qarşı əməliyyata başlayacaq
Suriya ordusu SDQ terror təşkilatının hücumlarına qarşı Hələbdə məhdud hərbi əməliyyat başladacağını açıqladı. Hələbdə Suriya ordusu qüvvələri ilə 10 mart tarixli razılaşmanı pozan SDQ terror təşkilatı arasında toqquşmalar davam edir. Suriya Rabitə Nazirliyi məsələ ilə bağlı açıqlama yayıb. Bəyanatda Suriya Ərəb Ordusunun SDQ terror təşkilatının davam edən hücumlarına cavab olaraq Hələbdə məhdud hərbi əməliyyat başladacağı bildirilib.Nazirlik Hələbdəki əməliyyatın məqsədinin pilotsuz təyyarə hücumlarını dayandırmaq, təhlükəsizliyi təmin etmək, Hələb-Əzəz yolunu yenidən açmaq və mülki şəxsləri qorumaq olduğunu vurğulayıb.
