Suriya ordusu Hələbdə PKK/YPG mövqelərini qanuni hədəf elan edib
Suriya ordusu ölkədə Suriya Demokratik Qüvvələri (SDQ) adı altında fəaliyyət göstərən PKK/YPG terror təşkilatına məxsus Hələb şəhərindəki Şeyx Maksud və Əşrəfiyyə məhəllələrində yerləşən bütün mövqelərin qanuni hədəf elan edildiyini açıqlayıb. Bu qərar PKK/YPG-nin Hələb şəhərinin müxtəlif məhəllələrinə və mülki əhaliyə qarşı çoxsaylı hücumlar həyata keçirməsi səbəbilə qəbul edilib. Əməliyyatlar Komandanlığı Şeyx Maksud və Əşrəfiyyə məhəllələrində yaşayan mülki şəxslərə PKK/YPG-yə aid mövqelərdən dərhal uzaq durmaq çağırışı edib. Mülki əhalinin təhlükəsizliyini təmin etmək məqsədilə bölgədə iki humanitar təhlükəsiz keçid dəhlizinin açıldığı bildirilib.
SDQ qüvvələrinin Hələbə pilotsuz hücumu Suriya ordusunda itkilərə səbəb olub
Suriya Ərəb Xəbər Agentliyinin (SANA) yaydığı məlumata görə, Hələb şəhərində Suriya Demokratik Qüvvələri (SDQ) tərəfindən pilotsuz uçuş aparatları (PUA) ilə həyata keçirilən hücum nəticəsində Suriya ordusunun bir hərbçisi həlak olub, bir neçə hərbçi isə yaralanıb. Məlumata əsasən, hücum Hələbin Şeyx Məqsud məhəlləsi ətrafında Suriya ordusunun mövqelərinin yerləşdiyi ərazilərə yönəlib. Bildirilir ki, SDQ qüvvələri həmin mövqeləri pilotsuz uçuş aparatları vasitəsilə hədəfə alıb.
Hələbədə YPG/PKK-nın silahlı hücumu nəticəsində təhlükəsizlik əməkdaşı yaralanıb
Suriyada SDQ adından istifadə edən YPG/PKK terror təşkilatının Hələb şəhərində nəzarət-buraxılış məntəqəsinə təşkil etdiyi silahlı hücum nəticəsində bir daxili təhlükəsizlik əməkdaşı yaralanıb. Yerli mənbələrdən əldə edilən məlumata görə, YPG/PKK terror təşkilatı Hələbin Şihan bölgəsində Suriya daxili təhlükəsizlik qüvvələrinə məxsus nöqtəyə silahlı hücum həyata keçirib. Hücum zamanı bir daxili təhlükəsizlik əməkdaşı yaralanıb.
Görürük ki, SDQ irəliləyiş əldə etmək niyyətində deyil - Hakan Fidan
Türkiyənin xarici işlər naziri Hakan Fidan və Suriyanın xarici işlər naziri Esad Hasan Şeybani Dəməşqdə görüşərək Suriya Demokratik Qüvvələri (SDQ) ilə inteqrasiya və Şimal-Şərq bölgəsindəki vəziyyəti müzakirə edib. Nazir Fidan bildirib ki, SDQ Dəməşq ilə aparılan inteqrasiya danışıqlarında irəliləyişə maraq göstərmir. O vurğulayıb ki, SDQ-nin bəzi fəaliyyətlərini İsrail ilə koordinasiya şəraitində həyata keçirməsi, Dəməşq ilə aparılan danışıqlarda ciddi əngəl yaradır. Suriya xarici işlər naziri Şeybani isə qeyd edib ki, Şimal-şərqin inteqrasiyası məsələsində SDQ-dən heç bir iradə görünmür. O əlavə edib ki, Cezire bölgəsinə daha çox diqqət yetiriləcək və Suriya dövləti həmin ərazidə mövcud olacaq.
Türkiyə SDQ-yə Ultimatum verdi
Türkiyənin Milli Müdafiə Naziri Yaşar Gülər, Suriya Demokratik Qüvvələrinin (SDQ) Suriya ordusuna inteqrasiya olmayı qəbul etməməsi halında, Türkiyənin lazım olan addımları heç kimə soruşmadan atacağını açıqlayıb. Türkiyədə davam edən “Terrorsuz Türkiyə” prosesinin Suriya aspektlərinə dair danışan Nazir, 10 martda Dəməşq ilə SDQ arasında imzalanan razılaşmaya da diqqət çəkib.
Terroru bitirəcəyik, separatçılığa son qoyacağıq - Bahçeli
Türkiyənin Milliyyətçi Hərəkat Partiyasının (MHP) sədri Dövlət Baxçalı terrordan azad Türkiyə hədəfinə nail olmaq üçün iradəli olduqlarını vurğulayıb. O bildirib ki, terror problemini həll etməklə həm Türkiyə, həm də türk xalqı qazanacaq və prosesə mane olmaq istəyənlərə sərt reaksiya göstərəcək. “Şəhid ailələrimiz narahat olmasın, qazilərimiz qorxuya düşməsin. Heç vaxt başlarını aşağı etməyəcəyik. Bizim heç bir bazarlığımız yoxdur və Türkiyənin suverenliyini zədələyəcək hər hansı yanlış addımda yer almarıq”, – Bahçeli qeyd edib.
Türkiyə olmasaydı, Qəzza atəşkəsi mümkün olmazdı - Tom Barak
ABŞ-nin Türkiyə səfiri və Suriya üzrə xüsusi nümayəndəsi Tom Barak, Qəzzada əldə olunan atəşkəsi dəyərləndirərək bildirib ki, Türkiyənin iştirakı olmasa, tərəflər razılığa gələ bilməzdi. Onun sözlərinə görə, ABŞ Prezidenti Donald Tramp bu səbəbdən Prezident Rəcəb Tayyib Ərdoğana dörd dəfə təşəkkür edib.
Türkiyə və Suriya terrorla mübarizə və sərhədlərin təhlükəsizliyini müzakirə edib
Türkiyə və Suriya arasında xarici işlər, müdafiə nazirləri və kəşfiyyat rəhbərlərinin iştirakı ilə terrorla mübarizə, sərhəd təhlükəsizliyi və Suriyadakı vəziyyət mövzularında mühüm görüş keçirilib. Görüş bazar günü Ankarada, Türkiyə Xarici İşlər Nazirliyində baş tutub.
Hələb ətrafında mülkilərə hücum edilməyib - Suriya
Suriya Müdafiə Nazirliyi, SDQ (Suriya Demokratik Qüvvələri) adından istifadə edən PKK/YPG terror qruplaşmasının "Suriya ordusunun Hələb ətrafındakı Deyr Hafir bölgəsindəki mülki yaşayış məntəqələrinə hücum etdiyi" iddialarının həqiqəti əks etdirmədiyini bildirib. Nazirliyin yaydığı açıqlamada, SDQ-nin (PKK/YPG) Hələb bölgəsində mülki əhaliyə hücumlar təşkil edildiyi ilə bağlı iddialarının tamamilə əsassız olduğu vurğulanıb.
SDQ terrorçuları Suriya hökümətini hücumlar təşkil etməkdə ittiham edir
PKK terror təşkilatının Suriya qolu olan Suriya Demokratik Qüvvələri (SDQ) hökumətə bağlı silahlı dəstələri ölkənin şimal və şərqində yeni hücumlar həyata keçirməkdə ittiham edib. Qüvvələrin açıqlamasına görə, Deyr Hafər ətrafında baş verən toqquşmalarda 7 döyüşçü yaralanıb.
Suriyada qanlı savaş davam edəcəkmi?
"Demokratik Güclər" adı altında gizlənən və ABŞ tərəfindən dəstəklənən terror qruplaşması ilə Suriya hökumət qüvvələri arasında toqquşma qaçılmazdır". Bunu Qaynarinfo-ya açıqlamasında siyasi şərhçi Rufiz Hafizoğlu kürdlərin rəhbərlik etdiyi terrorçu Suriya Demokratik Qüvvələrinin (SDQ) bölmələri ilə Suriya ordusu arasında baş verən insidenti şərh edərkən deyib. Ekspert bildirib ki, Suriya ilə İsrail arasında detalları açıqlanmayan danışıqlar gedir:
Suriya ilə terrorla mübarizədə yaxın əməkdaşlıq davam edəcək - Türkiyə MN
Türkiyə, Suriyanın sabitliyi və təhlükəsizliyi, eləcə də bölgənin əmin-amanlığı üçün, başda terror təşkilatları ilə mübarizə olmaqla, Suriya hökuməti ilə sıx əməkdaşlığı davam etdirməkdə və ‘Tək Dövlət, Tək Ordu’ prinsipini dəstəkləməkdə qərarlıdır. Türkiyə Milli Müdafiə Nazirliyinin Mətbuat və İctimaiyyətlə Əlaqələr müşaviri və sözçüsü Tuğamiral Zəki Aktürk, nazirlikdə keçirilən həftəlik mətbuat konfransında bu açıqlamanı səsləndirib.
