İsrailə qarşı 38 hərbi əməliyyat həyata keçirilib - Husilər
Yəməndəki "Ənsar Allah" hərəkatı (husilər) son iki həftə ərzində İsrailə qarşı 38 hərbi əməliyyat həyata keçirib. Bu barədə husilərin lideri Əbdül Malik əl-Husi məlumat verib. Onun sözlərinə görə, əməliyyatlar raketlər və pilotsuz uçuş aparatları (PUA) vasitəsilə icra olunub. Husi lideri bildirib ki, PUA-lar “Hadera, Yaffa, Aşdod, Aşkelon, Negev və Umm ər-Rəşraşda (Eylat nəzərdə tutulur – red.) bir neçə hədəfi vurub”. O əlavə edib ki, uğurlu əməliyyatlardan biri İsrailin Ramon adlandırdığı hava limanına, digəri isə Lod hava limanına (Ben Qurion – red.) qarşı yönəldilib. Xatırladaq ki, 2023-cü ildə Qəzza zolağında münaqişə kəskinləşdikdən sonra husilər İsrail ərazilərinə raket zərbələri endirəcəklərini və İsrail ilə əlaqəli gəmilərin Qırmızı dəniz və Bəb əl-Məndəb boğazından keçməsinə imkan verməyəcəklərini bəyan etmişdilər. Bu hücumlar bu ilin yanvar ayında Qəzzada atəşkəs elan olunandan sonra dayandırılmışdı.
BMT Təhlükəsizlik Şurasının fövqəladə iclası təxirə salınıb
İsrailin Dohaya hücumu ilə bağlı BMT Təhlükəsizlik Şurasının sentyabrın 10-da baş tutmalı olan fövqəladə iclası sabah keçiriləcək. İclasın təxirə salınmasına səbəb Qətərin xarici işlər naziri Şeyx Məhəmməd bin Əbdül Rəhman Əl-Taninin iclasda iştirak edə bilməsi ilə bağlı daxil olmuş müraciətlə əlaqədardır.
İsrailin Yəmənə hücumları nəticəsində 9 nəfər həlak olub, 118 nəfər yaralanıb
İsrailin Səna və Yəmənin paytaxtı Cavf şəhərlərinə endirdiyi hava zərbəsi nəticəsində 9 nəfər ölüb, 118 nəfər yaralanıb. Paytaxt Sanada Müdafiə Nazirliyinin qərargahının vurulduğu bildirilir. İsrail ordusu hücumu təsdiqləyib. Yəmənin "Əl-Məsira" televiziya kanalının xəbərində husilərə bağlı silahlı qüvvələrin Sənaya hücum edən İsrail təyyarələrinə qarşı hava hücumundan müdafiə sistemləri ilə mübarizə apardığı bildirilib.
Biz İsrailin Sənaya hücumlarının çoxunun qarşısını almışıq - Husilər
Yəməndəki husilər İsrailin Səna şəhərinə endirdiyi hücumların böyük bir hissəsinin hava hücumundan müdafiə sistemləri tərəfindən dəf edildiyini, lakin mülki şəxslər arasında ölən və yaralananların olduğunu açıqlayıblar. Husilərin nəzarətində olan SABA xəbər agentliyi, Husilərin Hərbi sözçüsü Yəhya Sərinin mövzu ilə bağlı açıqlamasını yayımlayıb. Səri bildirib ki, İsrailin hücumlarına qarşı yer-hava tipli raketlərlə cavab verilib və bu müdafiədən sonra bəzi döyüş təyyarələri hədəfə çatmadan bölgəni tərk etmək məcburiyyətində qalıb.
Husilərə qarşı Tövratdakı 10 bəlanı tətbiq edəcəyik - İsrail Kats
İsrailin müdafiə naziri İsrail Kats Yəməndəki husilərə qarşı sərt bəyanatla çıxış edib. O, husilərin İsrailə qarşı raket hücumlarını intensivləşdirməsindən sonra onları Tövratda qeyd olunan “Misir bəlaları” nı yaşadacaqlarını qeyd edib. “Husilər İsrailə yenidən raket atır. Qaranlıq bəlası, ilk doğulanların bəlası — biz bütün 10 bəlanı tamamlayacağıq.”- Kats “X” sosial şəbəkəsində yazıb. Nazirin işarə etdiyi 10 bəla, Tövratın “Çıxış” kitabında təsvir olunan və İsrail oğullarının azad olunması üçün Misir fironuna göndərilən fəlakətləri əhatə edir.
İsrail ordusu Yəməndən buraxılan PUA-nı zərərsizləşdirib
İsrail ordusu bu gün Yəməndən buraxılan pilotsuz uçuş aparatını (PUA) ölkənin hava məkanına daxil olmadan məhv edib. “Yəmən ərazisindən buraxılan PUA İsrail sərhədlərinə daxil olmadan zərərsizləşdirilib. Tətbiq edilən siyasətə uyğun olaraq heç bir siqnalizasiya işə salınmayıb” - deyə, ordunun bəyanatda qeyd olunub. Bundan əvvəl İsrailin rəsmi yayım qurumu Yəməndən İsrail istiqamətində buraxılan dronun izlənildiyini və ordunun onu məhv etməyə hazırlaşdığını bildirmişdi.
Yəməndə Husilər beynəlxalq təşkilatların binalarına basqın ediblər
Yəmən hökumət mənbələrinin məlumatına görə, husilər bazar günü paytaxt Sənada BMT əməkdaşlarına qarşı yeni həbslər həyata keçiriblər.
İsrail husilərin liderlərini məhv etmək üçün "sistemli siyasət" yürüdür - İsrailli nazir
İsrailin energetika naziri Eli Kohen bəyan edib ki, Təl-Əviv Yəməni “hədəf dairəsinə” daxil edib və husilərin liderlərini aradan qaldırmaq üçün “sistemli siyasət” yürüdür. Kohen bu barədə İsrail radiosuna müsahibəsində danışıb. “Yəməni hədəf dairəsinə daxil etdik. Bu, infrastrukturun məhv edilməsinə və husilərə qarşı məqsədli sui-qəsdlərin həyata keçirilməsinə yönəlmiş sistemli siyasətdir” – deyə, nazir bildirib. Onun sözlərinə görə, "söhbət yalnız husilərdən getmir, HƏMAS-ın bütün liderləri də hədəfdədir, hətta xaricdə yaşayanlar artıq ölü sayılır.” Xatırladaq ki, ötən şənbə husilər bəyan ediblər ki, beynəlxalq ictimaiyyət tərəfindən tanınmayan hökumətin baş naziri Əhməd Qalib ər-Rəhəvi və bir sıra nazirlər ötən cümə axşamı Səna şəhərinə İsrailin endirdiyi hava zərbələri nəticəsində həlak olublar. Son günlər husilər İsrailə raket və pilotsuz uçuş aparatları ilə hücumlar təşkil edir, İsrail isə cavab olaraq Yəməndə husilərin nəzarətindəki hədəfləri vurur. Məlumata görə, ötən cümə axşamı baş verən hücumdan sonra hökumət və nazirlər kabinetinin bu günə nəzərdə tutulan iclasları “husilərin ehtimal olunan cavab zərbələrinə görə” gizli və qorunan məkana keçirilib. “Kanal 12” telekanalı bildirib ki, nazirlərə bu qərar iclasdan az əvvəl çatdırılıb. İsrail hökumətinin bazar günü keçiriləcək həftəlik iclasında isə təhlükəsizlik qurumlarına ayrılan büdcənin artırılması da daxil olmaqla bir sıra məsələlər müzakirə olunacaq. Kabinet daha sonra Qəzzadakı vəziyyəti, bir sıra ölkələrin Fələstin dövlətini tanımaq niyyətinə veriləcək reaksiyanı, həmçinin Livan və Suriyadakı prosesləri müzakirə edəcək.
İsrailin Sənaya hücumunda Yəmən Baş Naziri və nazirlər həlak olub
Yəməndəki husilər avqustun 28-də İsrailin Sənaya hücumu zamanı baş nazir Əhməd Qalib ər-Rahavi və onu müşayiət edən bir neçə nazirin həlak olduğunu açıqlayıb. AzerVoice xəbər verir ki, Husilərlə bağlı Prezidentlik bəyanat yayıb. Bəyanatda İsrailin hücumunda həlak olan baş nazir Rehavi və bir neçə nazirin illik işlərini qiymətləndirmək üçün keçirilən adi görüş zamanı hədəf alındığı bildirilib.
İran silahlarının Livan və Yəməndəki taleyi nə olacaq?
Məsələnin müzakirələrinin bu səviyyəyə çatması çox vacibdir, çünki bu, problemin mahiyyətini anlamağa imkan verir – bunun İsrailin müharibədəki məqsədlərindən və ya atəşkəs razılaşmasının şərtlərindən biri olub-olmamasından asılı olmayaraq. Əslində, Livanın belə bir vəziyyətə ehtiyacı var idi, çünki Hizbullahın silaha sahib olması ölkə daxilində paralel bir dövlətçik yaratmasına imkan verib.
Yəmən husiləri İsrailə növbəti raket hücumu edib
İsrail Müdafiə Qüvvələri (IDF) hücum səbəbilə Qüds və İordan çayının qərb sahilindəki bir sıra yaşayış məntəqələrində hava hücumu siqnalının səsləndiyini açıqlayıb.
ABŞ Husilərə məxsus limanı məhv edib - Yəməndə 38 ölü, 100-dən çox yaralı
ABŞ ordusu Yəməndə Rəs İsa neft limanını məhv etdiyini bəyan edib. Husi hərəkatı 38 nəfərin öldüyünü, 102 nəfərin yaralandığını bildirir. Hədəf: İranın dəstəklədiyi husiləri zəiflətmək.
