Bakı. AzerPress:
Şimali Kipr Türk Respublikasının 62 günbəzi və 6 minarəsi olan ən böyük məscidi Dr. Suat Günsel məscidi sabah açılacaq.
AzerPress-in məlumatına görə, açılış mərasiminə Türkiyə və KKTC başda olmaqla bir çox İslam ölkələrindən nümayəndələr qatılacaq.
KKTC-nin ən böyük məscidi olan bina 30 min kvadratmetr sahədə tikilib. Türkiyədəkilər də daxil olmaqla, bölgədə altı minarəli altıncı məsciddir. Tikintisi 10 il çəkdi və böyük səylə tamamlandı.
Bu məscid, 10 min insanın eyni anda ibadət etməsinə imkan verəcək. Suat Günsel məscidinin əsas günbəzinin hündürlüyü 36,8 metr, diametri isə 23,8 metrdir. Əsas günbəz daha kiçik diametrli 61 günbəzlə əhatə olunub. Məscid hissəsində 27 günbəz və 9 yarımqübbə, eyvan hissəsində isə 26 günbəz var. Məscidin hər birinin hündürlüyü 76,2 metr olan altı minarəsi və üç eyvanı var. Hər birinin hündürlüyü 56,45 metr olan digər iki minarənin iki eyvanı var. Qızılı rəngli paslanmayan poladdan və xromla örtülmüş günbəz və minarələrdə istifadə olunan materiallar sorğu nəticəsində Kipr Türkləri tərəfindən müəyyən edilib.
Məsciddə günbəz və minarənin üzlükləri tamamilə alüminiumdan tökülüb və ən böyüyü 7 metr uzunluğundadır. Məscidin bütün günbəzi və daxili bəzəkləri təxminən birillik əl əməyi ilə Kipr Müasir İncəsənət Muzeyinin rəssamları tərəfindən yağlı boya texnikası ilə tamamlanıb.
Aytac Süleymanova
Twitter: a_alieva_
