Bakı. AzerVoice:
Türkiyənin Barbaros Hayrettin Paşa Seysmik Araşdırma gəmisi Qara dənizdə kəşfiyyata davam edir.
AzerVoice xəbər verir ki, Filyos limanından Trabzon limanına gələn və ötən ilin sentyabr ayının sonunda lövbər salan Barbaros Hayrettin Paşa Seysmik Araşdırma gəmisi beş aydan sonra yenidən Qara dənizə yola düşüb.
Məlumata əsasən, gəmi neft nişanlarının güclü olduğu nöqtələrdə kəşfiyyat işləri aparır.
Qeyd edək ki, uzunluğu 84,2 metr, eni 21,6 metr, çəkisi 4 min 711 qros ton olan gəmi dənizdə neft və təbii qaz kəşfiyyatında istifadə edilmək üçün alınıb və 2013-cü ildə fəaliyyətə başlayıb.
