Bakı. AzerPress:
Noyabrın 8-də Almaniya Federativ Respublikasının Hamburq şəhərində Qırğızıstan-Almaniya İşgüzar Şurasının ikinci iclası və “Qırğızıstan İqtisadiyyatı Günü” biznes forumu keçiriləcək.
AzerPress-in məlumatına görə, bu tədbirlər Qırğız Respublikası Nazirlər şurasının sədri və prezident administrasiyasının rəhbəri Akilbek Caparovun Almaniyaya işgüzar səfəri çərçivəsində keçiriləcək. İşgüzar səfər çərçivəsində bir çox ikitərəfli görüşlər də keçiriləcək.
Bu tədbirlərdə Qırğızıstan Respublikası və Almaniya Federativ Respublikası iş dünyasından 200-ə yaxın nümayəndə iştirak edəcək.
Qırğızıstan-Almaniya İşgüzar Şurasının ikinci iclasında ixtisaslı mütəxəssislərin hazırlanması və informatika sahəsində əməkdaşlığa dair panel müzakirələri aparılacaq.
Biznes forum çərçivəsində, iki ölkə arasında bərpa olunan enerji resursları, sənaye, logistika və ticarət kimi sahələrdə əməkdaşlığın inkişafı və möhkəmləndirilməsi məsələləri müzakirə olunacaq. Bundan əlavə, alman sahibkarlarına Qırğızıstanda investisiya imkanları və prioritet biznes layihələri təklif olunacaq. Qırğızıstan məhsullarından ibarət sərgi də nümayiş olunacaq.
Görüşdən sonra sazişlər imzalanacaq.
Qeyd edək ki, yuxarıda qeyd olunan hadisələr iki ölkə arasında əməkdaşlığın möhkəmləndirilməsində mühüm dönüş nöqtəsi olacaq. Almaniya Qırğızıstanın strateji tərəfdaşıdır.
Aytac Süleymanova
Xəbərlərimizi "WhatsApp" kanalımızdan oxuyun
