BAKI,VOA
ABŞ bazarında öz sahəsində ən böyük 4-cü marka olan CANiK, Floridadakı CANiK USA fabrikinin tam gücü ilə fəaliyyətə başlamasından sonra mövqeyini daha da möhkəmləndirir. Brend artan istehsal imkanları ilə yeni hədəflərə çatmaq məqsədilə Houston şəhərində keçirilən NRA Show 2026 sərgisinə qatılıb.
VOA xəbər verir ki, ABŞ-ın fərdi silahlanma bazarının istiqamətini müəyyən edən NRA Show 2026 sərgisi bu il Türk müdafiə sənayesinin qlobal gücü olan CANiK-in strateji addımlarına səhnə olub. Qlobal odlu silahlar sektorunun ən nüfuzlu platformalarından biri hesab edilən bu tədbirdə Samsun Yurt Savunma (SYS Qrup) iştirakçısı olan CANiK həm yerli istehsalçı kimliyi, həm də innovasiya liderliyi ilə diqqət çəkib.
70 milyon dollarlıq sərmayə və tam güclə istehsal
CANiK-in ABŞ-dakı uğurunun arxasında strateji baxışla qurulan CANiK USA müəssisəsi dayanır. Florida ştatının Vest-Palm-Biç şəhərində 70 milyon dollardan çox investisiya ilə qurulan və 2025-ci ildən istehsala başlayan zavod, 2026-cı ildə tam gücü ilə fəaliyyət göstərməyə başlayıb. Bu addım markanın təkcə ixracat potensialını artırmaqla qalmayıb, həm də yerli istehsal üstünlüyü ilə ABŞ daxili bazarındakı hegemonluğunu gücləndirib.
Sərginin ulduzu: PRIME RADIAN
Builki sərginin ən çox maraq görən məhsulu, daha əvvəl SHOT Show-da təqdim edilərək satış rekordları qıran PRIME RADIAN modeli olub. Bununla yanaşı, CANiK səsboğucu və optika sahəsindəki iddiasını da bir pillə yuxarı daşıyıb. 10 fərqli qabaqcıl həll yolundan ibarət olan CANiK Optika Proqramı tapançalardan tutmuş snayper sistemlərinə qədər geniş çeşidi ilə peşəkar istifadəçilərin ehtiyaclarını qarşılayır.
"ABŞ bazarı qlobal odlu silahlar sektorunun ürəyidir. Biz də bu reallıqdan çıxış edərək ABŞ-ı mərkəzə alan strategiyalar və investisiyalar həyata keçirdik. Nəticədə CANiK olaraq bu bazarda ən yüksək sıralarda yerimizi möhkəmləndirdik. İndi hədəfimiz artan istehsal gücümüz və müştəri yönümlü innovasiyalarımızla daha da irəli getməkdir. Qlobal ticarətdəki çətinliklərə və tariflərə baxmayaraq, etibarlı marka quruluşumuzla bu prosesi fürsətə çeviririk. Houston-dakı iştirakımız bu qətiyyətin ən bariz göstəricisidir."-deyə SYS Qrupunun CEO-su Cahit Utku Aral bilsirib.
