Bakı, AzerVoice
İspartanın Keçiborlu rayon mərkəzində hərbi helikopter yanacaqdoldurma məntəqəsinin yanında qəzaya uğrayıb.Türkiyənin 5 əsgəri şəhid olub.
AzerVoice xəbər verir ki, İsparta bələdiyyəsi, hərbi vertolyotun qəzaya uğraması barədə məlumat aldıqlarını açıqlayıb.
İsparta valisi Abdullah Erin TRT Xəbər yayımında verdiyi açıqlamada iki təlim helikopterinin toqquşduğunu və onlardan birinin təhlükəsiz eniş etdiyini bildirib.
Qubernator Erin hadisə yerində olduqlarını və araşdırmalarını davam etdirdiklərini bildirib.
Qeyd edək ki, vertolyotdakı şəhidlərdən birinin Isparta Quru Aviasiya Məktəbi komandiri briqada generalı İsa Baydilli olduğu bildirilib.
