Bakı,AzerVoice

Türkiyənin müdafiə sənayesi şirkətlərindən biri olan Çukurova Müdafiə, silah-sursat qutularının ixracı üçün bir Avropa sursat şirkəti ilə müqavilə imzalayıb.

AzerVoice xəbər verir ki, Çukurova Müdafiə sursat qutularını UNPACK markası ilə Avropanın sursat istehsalçısına çatdıracaq.

Çatdırılacaq sursat qutuları Avropa mənşəli raket sistemlərinin təhlükəsiz saxlanmasında da rol oynayacaq.

Həm hərbi standartlar (MIL-STD), həm də təhlükəli yüklərin daşınması standartları (ADR) sahəsində təcrübəyə malik olan Çukurova Müdafiə, raket qutularında bir çox yerli və beynəlxalq şirkətin təchizatçısıdır.

Çukurova Müdafiə Baş direktoru Selçuk Öztürk şirkətin NSPA - NATO təchizatçısı statusunun bu müqavilədə böyük əhəmiyyət daşıdığını vurğulayıb.

NSPA - NATO təchizatçısı olmağın vacibliyini vurğulayan Öztürk, Çukurova Müdafiəsi olaraq 5 ildir NSPA tenderlərində iştirak etdiklərini bildirib.