Bakı, AzerVoice
İtaliyanın aerokosmik, müdafiə və təhlükəsizlik nəhəngi Leonardo S.p.A.-nın baş direktoru Prof. Roberto Cingolani və nümayəndə heyəti Türkiyədə Baykar Texnologiya Mərkəzini ziyarət edib.
AzerVoice xəbər verir ki , bu barədə Baykarın sosial media hesabında paylaşım edilib.
“İtalyan aviasiya, müdafiə və təhlükəsizlik şirkəti Leonardo S.p.A.-nın baş direktoru cənab Prof. Roberto Cingolani və rəhbərlik etdiyi nümayəndə heyəti Özdemir Bayraktar Milli Texnologiya Mərkəzimizi ziyarət etdi. Onları qonaq etməkdən məmnun olduq.” - deyə paylaşımda qeyd olunub.
Bu səfər, Baykarın 2024-cü ilin dekabrında İtaliyanın müdafiə şirkəti Piaggio Aerospace-i satın alması ilə yaranan yeni əməkdaşlıq imkanlarının müzakirə edilməsi baxımından böyük əhəmiyyət kəsb edir.
İtaliyanın sənaye naziri Adolfo Urso, bu inkişafın əhəmiyyətini vurğulayaraq, “Piaggio Aerospace-in Türk Baykarına satılması strateji bir şirkətin yenidən qurulmasına imkan verir və İtaliya ilə Türkiyə arasında daha geniş texnoloji və sənaye ortaqlığının qurulmasına imkan yaradır.” - deyə qeyd edib.
Nazir həmçinin əlavə edib ki, bu əməkdaşlıq digər mühüm layihələrdə irəliləyişlərə səbəb olacaq və iki ölkə arasında texnoloji və müdafiə sənayesində əlaqələri daha da gücləndirəcək.
Baykar’dan İtalya’da hamle üstüne hamle!
— SavunmaSanayiST.com (@SavunmaSanayiST) January 23, 2025
İtalyan havacılık, savunma ve güvenlik firması Leonardo S.p.A’nın CEO’su Prof. Roberto Cingolani ve beraberindeki heyet Özdemir Bayraktar Milli Teknoloji Merkezi’ni ziyaret etti. pic.twitter.com/fDEM9Yjw9T
