Bakı, AzerVoice
Türkiyədə ilk kütləvi istehsal edilən Altay tankları bu il orduya təhvil veriləcək.
AzerVoice xəbər verir ki, bu barədə Türkiyə Müdafiə Sənayesi Naziri Haluk Görgün məlumat verib.
"Bu il 3 tank təhvil verdikdən sonra gələn il 11, daha sonra 41 və ondan sonraki il isə 30 tank tədarük edəcəyik.Beləliklə, tədarük sayısı cəmi 85 tank təşkil edəcək”, - deyə məlumatda qeyd olunub.
Görgün 2028-ci ilə qədər ümumilikdə 165 tankın tədarük ediləcəyini bildirib.
Görgün, Türkiyənin quru döyüş texnikası sahəsində dünyada önəmli bir yerə sahib olduğunu və indiyə qədər təxminən 50 ölkəyə 4 500-dən çox zirehli texnika tədarük edildiyini qeyd edib.
“400-dən 1500-ə qədər at gücünə sahib olan, Altay tankında istifadə ediləcək BATU mühərriki zavodlarımızda dizayn edilir və istehsal olunur. Bu mühərrik və gücötürmə sistemləri sayəsində quru döyüş texnikalarında yerli istehsal olunan mühərriklərdən və gücötürmə sistemlərindən istifadə edəcəyik. Yerli və milli istehsal səviyyəsini artırmaq istiqamətində işlərimiz davam edir. Xarici asılılığı minimuma endirmək və lazım gəldikdə öz ehtiyaclarımızı özümüz qarşılamaq prinsipi ilə irəliləyəcəyik”,- deyə Haluk Görgün qeyd edib.
