BAKI, AzerVoice

Türkiyə Böyük Millət Məclisi, Türkiyə və Pakistan arasında məhkumların qarşılıqlı ekstradisiyasını nəzərdə tutan müqavilənin təsdiqini qanuniləşdirib.

AzerVoice xəbər verir ki , Rəsmi qəzetdə yayımlanan 7541 saylı qanuna əsasən, 17 sentyabr 2013-cü ildə Ankarada imzalanmış “Türkiyə Cümhuriyyəti Hökuməti ilə Pakistan İslam Respublikası Hökuməti arasında Məhkumların Ekstradisiyası Anlaşması”nın ratifikasiyası məqbul hesab olunub.

Bu qanun 27 fevral 2025-ci il tarixindən etibarən qüvvəyə minib və onun icrasına Türkiyə prezidenti cavabdeh olacaq.

Anlaşmaya əsasən, hər iki ölkə məhkumların cəzalarını vətəndaşı olduqları ölkələrdə çəkmələri üçün qarşılıqlı ekstradisiya həyata keçirəcək. Bu addım, məhkumların sosial reabilitasiyasına kömək etmək və məhkum haqlarının qorunmasını təmin etmək məqsədini daşıyır.