BAKI, AzerVoice

Bölgəmizin gələcəyində terrora yer yoxdur.

AzerVoice xəbər verir ki, bunu Türkiyə Prezidenti Rəcəb Tayyib Ərdoğan İraqın Baş naziri Məhəmməd Şia Əl-Sudani ilə keçirdiyi mətbuat konfransında deyib.

“İraqın təhlükəsizliyini Türkiyənin təhlükəsizliyi hesab edirik. PKK terror təşkilatına qarşı birgə mübarizə aparmaq barədə razılığa gəldik. Heç kimə İraq torpaqlarından Türkiyəyə hücum etməyə imkan vermərik” - deyə, Ərdoğan qeyd edib.

Ərdoğan həmçinin bildirib ki, ötən il İraqa etdiyi səfərdən sonra iki ölkə arasında münasibətlər yeni mərhələyə qədəm qoyub.

“İraqla münasibətlərimizi bütün sahələrdə inkişaf etdirməyi qardaşlığımızın təzahürü kimi görürük” - deyə, o bildirib.

Türkiyə ilə İraq arasındakı illik ticarət dövriyyəsinin 18 milyard dollara çatdığını bildirən Ərdoğan, bu rəqəmin daha da artması üçün böyük potensial olduğunu deyib. “İnkişaf yolu” layihəsinə beynəlxalq dəstəyi artırmaq üçün digər ölkələr də əməkdaşlığa dəvət olunub.

Qeyd edək ki, Ankarada keçirilən rəsmi mərasimdə Türkiyə və İraq arasında 11 mühüm əməkdaşlıq sənədi imzalanıb.