BAKI, AzerVoice

Türkiyənin Milliyyətçi Hərəkat Partiyasının (MHP) sədri Devlet Bahçeli Qurban bayramı münasibətilə müsəlman aləminə və Türkiyədəki vətəndaşlara təbrik mesajı ünvanlayıb.

AzerVoicexəbər verir ki, partiyanın sosial media hesabında paylaşılan mesajında Bahçeli Türkiyədə və xaricdə yaşayan hər kəsi bayram münasibətilə təbrik edərək, “Allahdan hər kəsə sağlamlıq, xoşbəxtlik və əmin-amanlıq arzulayıram”, – deyə bildirib.

O, İslam dünyasında mövcud olan qeyri-sabitliyə diqqət çəkərək, “Müsəlman dünyasının sülhə, firavanlığa, ədalətə və təhlükəsizliyə qovuşmasını arzulayıram. Türk-İslam coğrafiyasında yaşayan qardaşlarımızın mübarək bayramını dualarımla təbrik edirəm”, – deyə vurğulayıb.

Qeyd edək ki, Bahçeli paylaşımında həmçinin Həcc ziyarətində olanların ibadətlərinin qəbul olmasını diləyib və bayram günlərində səfərə çıxan vətəndaşları yol hərəkəti qaydalarına əməl etməyə, can və mal təhlükəsizliyinə diqqət yetirməyə çağırıb.