BAKI, AzerVoice, Orxan Qədirzadə

Birləşmiş Əərəb Əmirlikləri Türkiyənin enerji layihələrinə 1 milyard dollarlıq investisiya qoyacaq.

AzerVoice xəbər verir ki, bu haqda Türkiyənin Enerji və Təbii Sərvətlər naziri Alparslan Bayraktar sosial media hesabında paylaşım edib.

Nazir qeyd edib ki, bu çərçivədə Niğde-Bor bölgəsində inşa ediləcək, 1100 meqavat gücündə və 1 milyard dollar dəyərində olan batareya sistemli günəş enerjisi stansiyası (GES) layihəsi artıq son mərhələyə çatıb.

Bayraktar paylaşımında BƏƏ-nin enerji şirkəti Masdar-ın baş direktoru Məhəmməd CəmiƏ Al Ramahi və onu müşayiət edən nümayəndə heyətini nazirlikdə qəbul etdiyini vurğulayıb.

O, iki ölkə arasında enerji sahəsində strateji əməkdaşlığın güclənməsinin həm Türkiyənin yaşıl enerji keçidinə, həm də regionun enerji təhlükəsizliyinə mühüm töhfə verəcəyini bildirib