BAKI, AzerVoice, Nailə Babazadə
Kocaeli vilayətinin Gebze rayonunun Güzeller məhəlləsində 7 mərtəbəli bina naməlum səbəbdən dağılıb. Hadisə yerinə çox sayda xilasedici briqada göndərilib.
AzerVoice xəbər verir ki, nazir Yerlikaya dağılan bina ilə bağlı açıqlama verərək, dağıntılar altında ən az 5 nəfərin ola biləcəyini bildirib. Binada bir ailənin yaşadığı qeyd olunur və xilasedici qruplar dərhal xilasetmə işlərinə başlayıblar.
Dağıntılar altındakı şəxslərin adları hələ məlum deyil, xilasetmə əməliyyatları intensiv şəkildə davam edir.
Qeyd edək ki, Kocaelidə çökən 7 mərtəbəli binanın 2012-ci ildə tikildiyi məlum olub.
